رەسەيدە كاروناۆيرۋستىڭ دەلتاكرون شتامى انىقتالدى

None
None
ماسكەۋ. قازاقپارات - SARS- CoV-2 ۆيرۋسىنىڭ گەنومدىق تىزبەكتەرىنىڭ ۇلتتىق دەرەكقورىندا (VGARus Database) كوروناۆيرۋستىڭ «دەلتا» جانە «وميكرون» نەمەسە «دەلتاكرون» دەپ اتالاتىن گيبريدتى شتامدارىنا تاعايىندالعان التى گەنومدىق تىزبەگى بار، بەس ۇلگى سانكت- پەتەربۋرگتە، بىرەۋى ماسكەۋدە الىندى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«10-تامىزداعى جاعداي بويىنشا VGARUS بازاسىنا Covid-19 كورسەتىلگەن نۇسقاسىنا جاتقىزىلعان التى گەنومدىق تىزبەك جۇكتەلگەن. زەرتتەۋگە ارنالعان بەس ۇلگى سانكت- پەتەربۋرگتە، بىرەۋى ماسكەۋدە الىندى»، - دەلىنگەن روسپوترەبنادزور حابارلاماسىندا.

بۇل نۇسقا كوروناۆيرۋس ينفەكتسياسىنىڭ دومينانت ەمەس جەلىلەرىنە جاتادى جانە قازىرگى ۋاقىتتا ەكى قالانىڭ ەپيدەميولوگيالىق احۋالىنا ايتارلىقتاي اسەر ەتپەيدى. ماسكەۋ مەن سانكت- پەتەربۋرگتەگى ەپيدەميولوگيالىق جاعداي جالپى رەسەيدەگى جاعدايعا ۇقساس، ول شتامم قۇرامىندا BA.5 نۇسقاسىنىڭ باسىم بولۋىمەن BA.4 جانە BA.5 جەلىلەرىنىڭ بەلسەندى تارالۋىمەن سيپاتتالادى.

روسپوترەبنادزوردىڭ حابارلاۋىنشا، كوروناۆيرۋستىڭ گيبريدتى نۇسقاسى بار ناۋقاستار اۋرۋدى جەڭىل تۇردە باستان وتكەردى، ولاردى اۋرۋحاناعا جاتقىزۋ قاجەت ەمەس.

ۆەدومستۆودان ناقتىلانعانداي، قازىرگى ۋاقىتتا گيبريدتى نۇسقا اۋرۋدىڭ نەعۇرلىم اۋىر اعىمىنا اكەلەدى نەمەسە كوبىرەك تارالادى دەپ ايتۋعا نەگىز جوق. جالپى، گيبريدتەردىڭ پايدا بولۋى ەرەكشە قۇبىلىس ەمەس، پروتسەسس كوپتەگەن ۆيرۋستارعا ءتان جانە ەۆوليۋتسيالىق- بەيىمدەلۋ مەحانيزمدەرىنىڭ ءبىرى سانالادى.

«بۇعان دەيىن COVID-19 گيبريدتى شتامدارى ەۋروپادا، ا ق ش- تا جانە لاتىن امەريكاسىندا تىركەلگەن. ولار حالىق اراسىندا كەڭ تاراعان جوق» ، - دەلىنگەن حابارلامادا.

سوڭعى جاڭالىقتار