قازاقستاندىقتار ەندى دومينيكانعا ەكى ايعا ۆيزاسىز بارا الادى
12 تامىز 07:03

قازاقستاندىقتار ەندى دومينيكانعا ەكى ايعا ۆيزاسىز بارا الادى

نۇر- سۇلتان. قازاقپارات - قازاقستاندىق تۋريستەر ەندى دومينيكان رەسپۋبليكاسىنا 60 كۇنگە ۆيزاسىز بارا الادى.

ەكى ەل ۇكىمەتىنىڭ سىرتقى ىستەر ۆەدومستۆولارى ۋاعدالاسقان كەلىسىم جوباسى اشىق تالقىعا شىعارىلدى، دەپ حابارلايدى قازاقپارات ءتىلشىسى.

«جارامدى جول ءجۇرۋ قۇجاتتارى بار ق ر ازاماتىنان دومينيكان رەسپۋبليكاسىنا 60 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا، ترانزيتپەن وتكەندە جانە ۋاقىتشا بولعان كەزدە ۆيزالىق تالاپتار سۇرالمايدى. اتالعان ەل اۋماعىندا بولعان كەزىندە ءوزىنىڭ قۇجاتتارىن جوعالتقان قازاقستان رەسپۋبليكاسىنىڭ ازاماتى سول مەملەكەتتەگى قازاقستان ەلشىلىگىنە نەمەسە كونسۋلدىق بولىمشەلەرىنە بارىپ، وكىلدىكتەر ۇسىنعان ۋاقىتشا قۇجات ارقىلى دومينيكان اۋماعىنان تىس جەرلەرگە شىعا الادى»، - دەلىنگەن قاۋلىدا .

ەسكە سالا كەتەيىك، بۇعان دەيىن ەل تۇرعىندارى البانيا مەملەكەتىنە 90 كۇنگە ۆيزاسىز بارا الاتىنىن جازىپ ەدىك.

جاڭالىقتار