استانانىڭ بيىلعى بيۋجەتى ناقتىلاندى
11 تامىز 21:25

استانانىڭ بيىلعى بيۋجەتى ناقتىلاندى

نۇر-سۇلتان. قازاقپارات - وزگەرتۋلەردى ەسكەرگەن كەزدەگى ەلوردانىڭ ناقتىلانعان بيۋجەتى - 867 ميلليارد 234 ميلليون تەڭگە بولدى.

بۇل تۋرالى نۇر-سۇلتان قالالىق ەكونوميكا جانە بيۋجەتتىك جوسپارلاۋ باسقارماسىنىڭ باسشىسى قايسار مانقارايەۆ ءمالىم ەتتى، دەپ حابارلايدى قازاقپارات ءتىلشىسى.

«ءىس جۇزىندەگى تۇسىمگە جۇرگىزىلگەن ساراپتاماعا سايكەس، جەرگىلىكتى كىرىسكە قاتىستى جوسپاردى بولجاممەن 50 ميلليارد تەڭگەگە ارتتىرا وتىرىپ، 534,8 ميلليارد تەڭگەگە جەتكىزۋ ۇسىنىلادى. ونىڭ ىشىندە سالىق تۇسىمدەرى - 40 ميلليارد تەڭگەگە، سالىق ەمەس تۇسىمدەر - 4,8 ميلليارد تەڭگەگە، ال نەگىزگى كاپيتالدى ساتۋدان تۇسەتىن ءتۇسىم - 5,2 ميلليارد تەڭگەگە ارتىق بولادى»، - دەدى قايسار مانقارايەۆ قالالىق ءماسليحاتتىڭ قوعامدىق كەڭەسى وتىرىسىندا.

باسقارما باسشىسىنىڭ دەرەگىنشە، ەنگىزىلگەن وزگەرتۋلەردى ەسكەرگەن كەزدەگى ەلوردانىڭ ناقتىلانعان بيۋجەتىنىڭ جالپى كولەمى بيىل - 867 ميلليارد 234 ميلليون تەڭگە.

«ونىڭ ىشىندە جەرگىلىكتى كىرىس ءتۇسىمى - 534 ميلليارد 862 ميلليون تەڭگە، رەسپۋبليكالىق بيۋجەتتەن ترانسفەرت تۇرىندەگى ءتۇسىم - 236 ميلليارد 927 ميلليون تەڭگە، زايم تۇسىمدەرى - 32 ميلليارد 167 ميلليون تەڭگە، سونىمەن قاتار قالدىق قاراجات - 63 ميلليارد 277 ميلليون تەڭگە مولشەرىندە بولادى»، - دەدى ول.

جاڭالىقتار