الماتىدا شاحماتتان قازاقستان قۇراماسىن سالتاناتتى تۇردە قارسى الدى
11 تامىز 21:10

الماتىدا شاحماتتان قازاقستان قۇراماسىن سالتاناتتى تۇردە قارسى الدى

الماتى. قازاقپارات - قازاقستان قۇراماسى دۇنيەجۇزىلىك شاحمات وليمپياداسى وتكەن ءۇندىستاننىڭ چەنناي قالاسىنان الماتىعا ورالدى، دەپ حابارلايدى قازاقپارات حابار 24 ارناسىنا سىلتەمە جاساپ.

شاحماتشى قىزدار دۇنيەجۇزىلىك وليمپيادانىڭ قورىتىندىسى بويىنشا 5-ورىندى يەلەندى. بۇعان دەيىن حابارلاعانىمىزداي، قازاقستاندىقتار ەسەبىندە سەگىز جەڭىس، ءبىر تەڭ ويىن جانە ەكى جەڭىلىس بار.

سونىمەن قاتار، جانسايا ابدىمالىك قولا جۇلدەگەر اتاندى.

سپورتشىلار قولداۋ كورسەتىپ، جىلى قابىلداعان وتانداستارىنا العىس ءبىلدىردى.

«مەنىڭ ويىمشا، 188 ەلدىڭ ىشىندە ءۇشىنشى جانە بەسىنشى ورىندارعا يە بولۋ - زور جەتىستىك، بۇل - دۇنيەجۇزىلىك شاحمات وليمپياداسىنداعى ەڭ جاقسى جەتىستىك. قولداپ كەلگەندەردىڭ بارلىعىنا العىس ايتامىز»، - دەدى شاحماتتان قازاقستان رەسپۋبليكاسى ايەلدەر قۇراماسىنىڭ مۇشەسى گۇلىسحان ناحبايەۆا.

جاڭالىقتار