اراب ينۆەستورى اۆتوجول جوبالارىن ينۆەستيتسيالاۋعا مۇددەلى ەكەندىگىن جەتكىزدى
11 تامىز 22:12

اراب ينۆەستورى اۆتوجول جوبالارىن ينۆەستيتسيالاۋعا مۇددەلى ەكەندىگىن جەتكىزدى

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ Al Badie Group for Trading and Investment ABG كومپانياسىنىڭ باس ديرەكتورى حالەد موحامەد ال باديمەن كەزدەسىپ، اۆتوموبيل جولدارىن سالۋ سالاسىنداعى ىنتىماقتاستىق ماسەلەلەرىن تالقىلادى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.

ABG كومپانياسى ەلىمىزدەگى ءىرى اۆتوجول جوبالارىن، سونىڭ ىشىندە رەسپۋبليكالىق ماڭىزى بار جولداردى جاڭعىرتۋدى قارجىلاندىرىپ، ولاردى جۇزەگە اسىرۋعا نيەت ءبىلدىردى.

پرەمەر-مينيستر بۇگىندە اراب ينۆەستورلارىنىڭ قازاقستانعا دەگەن قىزىعۋشىلىعىنىڭ ارتىپ كەلە جاتقانىن اتاپ ءوتتى. ۇكىمەت باسشىسىنىڭ ايتۋىنشا، بۇعان تاياۋدا مەملەكەت باسشىسىنىڭ ب ا ءا- گە ساپارى ىقپال ەتتى.

«شەتەلدىك سەرىكتەستەردىڭ ءاربىر ۇسىنىسىن جوعارى باعالايمىز، سونداي-اق ينۆەستيتسيالاردى قورعاۋ جانە قولايلى ىسكەرلىك احۋالدى قامتاماسىز ەتۋ بويىنشا بارلىق مىندەتتەمەلەرىمىزدى ورىندايمىز»، - دەدى ءاليحان سمايىلوۆ.

ءوز كەزەگىندە حالەد موحاممەد ال ابادي ABG كومپانياسىنىڭ الەمنىڭ كوپتەگەن ەلدەرىندە ءىرى ينفراقۇرىلىمدىق جوبالاردى تابىستى ىسكە اسىرۋدا تاجىريبەسى بار ەكەنىن ايتتى.

«ەكى ەل باسشىلارىنىڭ بەلسەندى ءوزارا ءىس-قيمىلى، سونداي-اق ەكىجاقتى قارىم-قاتىناستاردىڭ قارقىندى دامۋى ءبىزدىڭ قازاقستانعا كەلۋىمىزگە سەبەپ بولدى. ءبىز اۆتوجول جوبالارىن ىسكە اسىرۋدى ينۆەستيتسيالاۋعا مۇددەلىمىز، سوندىقتان قازاقستان ۇكىمەتىمەن تىعىز ىنتىماقتاستىقتا جۇمىس ىستەگىمىز كەلەدى»، - دەدى حالەد موحامەد ال بادي.

كەزدەسۋ قورىتىندىسى بويىنشا پرەمەر-مينيستر كومپانيانىڭ ۇسىنىستارىن ءتيىستى مەملەكەتتىك ورگانداردىڭ مۇقيات زەردەلەپ، پىسىقتايتىنىن ايتتى.


جاڭالىقتار