اقتوبەدە حالىقارالىق ىزدەۋدە جۇرگەن كۇدىكتى ۇستالدى

اقتوبە. قازاقپارات - اقتوبەدە ۇلتتىق ۇلان قىزمەتكەرلەرى حالىقارالىق ىزدەۋدە جۇرگەن ەر ادامدى ۇستادى، دەپ حابارلايدى قازاقپارات ءتىلشىسى.

ۆەدومستۆونىڭ اقپاراتىنا سايكەس، 10- تامىز كۇنى ساعات 21:40 شاماسىندا 6655 اسكەري ءبولىمىنىڭ قىزمەتكەرلەرى ماساڭ كۇيدە تۇرعان كۇدىكتى ازاماتتى توقتاتىپ، قۇجاتتارىن تەكسەرگەن.

ناتيجەسىندە ەر ادامعا رەسەي فەدەراتسياسىنىڭ قۇقىق قورعاۋ ورگاندارى ىزدەۋ جاريالاعانى انىقتالادى.

سونداي-اق، كۇدىكتىگە ەلىمىزدە دە قىلمىستىق كودەكستىڭ 188-بابى 1-تارماعى (الدىن الا ءسوز بايلاسۋ ارقىلى ۇرلىق جاساۋ) بويىنشا ىزدەۋ سالىنعانى بەلگىلى بولدى.

ۇلتتىق ۇلاننىڭ حابارلاۋىنشا، كۇدىكتى دەرەۋ اقتوبە قالاسىنىڭ پوليتسيا باسقارماسىنا جەتكىزىلگەن.