حابيب نۋرماگومەدوۆ قازاقستاندا ۇلكەن تۋرنير وتكىزبەك
11 تامىز 19:27

حابيب نۋرماگومەدوۆ قازاقستاندا ۇلكەن تۋرنير وتكىزبەك

نۇر-سۇلتان. قازاقپارات - UFC بۇرىنعى چەمپيونى حابيب نۋرماگومەدوۆ ءوزىنىڭ Eagle FC ليگاسى بويىنشا قازاقستاندا ۇلكەن تۋرنير وتكىزۋ جونىندەگى جوسپارىن جاريالادى، دەپ حابارلايدى قازاقپارات ءتىلشىسى.

اتالعان تۋرنيردەگى باستى جەكپە-جەك ورتا سالماقتاعى Eagle FC چەمپيونى، تاجىكستاندىق فايتەر فاريدۋن وديلوۆ (12-2) جانە قازاقستاندىق داۋرەن ەرمەكوۆتىڭ (14-5) اراسىندا بولماق.

«ەكەۋى جەكپە-جەك وتكىزۋگە كەلىسىم بەردى. جەكپە-جەك جەلتوقسان ايىندا قازاقستاندا ۇيىمداستىرىلادى دەگەن ويدامىز»، - دەدى حابيب نۋرماگومەدوۆ.

ايتا كەتسەك، داۋرەن ەرمەكوۆ اقتاۋ قالاسىندا 17- شىلدەدە ورتا سالماقتاعى Eagle FC ۋاقىتشا تيتۋلىنا يە بولدى. ول جەكپە-جەك بارىسىندا رەسەيلىك گامزات حيراماگومەدوۆتى (9-2) ەكىنشى راۋندا نوكاۋتقا تۇسىرگەن بولاتىن.

ەسكە سالساق، بۇدان بۇرىن يسلام ىنتىماقتاستىعى ويىندارىندا جەڭىل اتلەت ميحايل ليۆتين التىن مەدال الدى.

جاڭالىقتار