اتىراۋ وبلىسى اكىمىنىڭ تاعى ءبىر جاڭا ورىنباسارى تاعايىندالدى
11 تامىز 18:05

اتىراۋ وبلىسى اكىمىنىڭ تاعى ءبىر جاڭا ورىنباسارى تاعايىندالدى

اتىراۋ. قازاقپارات - اتىراۋ وبلىسى اكىمىنىڭ تاعى ءبىر جاڭا ورىنباسارى تاعايىندالدى، دەپ حابارلايدى قازاقپارات ءتىلشىسى.

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىنە سايكەس وبلىس اكىمىنىڭ وكىمىمەن جاسۇلان وراق ۇلى بيسەمبيەۆ اتىراۋ وبلىسى اكىمىنىڭ ورىنباسارى لاۋازىمىن اتقاراتىن بولدى.

جاسۇلان وراق ۇلى اتىراۋ پوليتەحنيكالىق كوللەدجىن «بۋحالتەرلىك ەسەپ جانە اۋديت»، ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن «قارجى» ماماندىعى بويىنشا بىتىرگەن. رەسەي فەدەراتسياسى استراحان مەملەكەتتىك ۋنيۆەرسيتەتىنەن الەۋمەتتانۋ ماگيسترى دارەجەسىن العان.

ەڭبەك جولىن 2008 -جىلى «جاسىل ەل» اتىراۋ فيليالىندا باستاعان. «تارلان- اتىراۋ» قوعامدىق بىرلەستىگىنىڭ ءتوراعاسى، «اتىراۋ اقپارات» م ك ك ءتوراعاسىنىڭ كومەكشىسى بولعان.

2013 -جىلى «اتىراۋ قالاسى جاستار رەسۋرسى» ورتالىعىن باسقارعان. 2016 -جىلدىڭ مامىر ايىندا جاستار ساياساتى ماسەلەلەرى باسقارماسى باسشىسىنىڭ ورىنباسارى لاۋازىمىنا تاعيىندالىپ، 2017 -جىلى اتالعان باسقارمانىڭ باسشىسى قىزمەتىن اتقارعان.

2017-2020 -جىلدارى وبلىستىق ىشكى ساياسات باسقارماسىنىڭ باسشى بولعان. 2020 -جىلدىڭ شىلدەسىنەن 2021 -جىلدىڭ قىركۇيەگىنە دەيىن «Gate Insaat Taah.San.Tic.A. S. « كومپانياسىنىڭ مەنەدجەرى، 2021 -جىلدىڭ قىركۇيەگىنەن بۇگىنگە دەيىن «ازاماتتىق باستامالاردى قولداۋ ورتالىعى» ك ە ا ق باسقارما ءتوراعاسىنىڭ ورىنباسارى قىزمەتىن اتقارىپ كەلدى.

ەسكە سالا كەتەلىك، بۇعان دەيىن اتىراۋ وبلىسى اكىمىنىڭ جاڭا ورىنباسارى تاعايىندالعانىن حابارلاعان بولاتىنبىز.

جاڭالىقتار