اۋىل مەكتەپتەرىنىڭ قانداي باسىمدىعى بار
بۇل تۋرالى وقۋ- اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«نەگىزى شاعىن جيناقتى مەكتەپتەردە 192 مىڭ بالا وقيدى. كوپ پە، الدە از با؟ بۇل - ەلىمىزدىڭ بارلىق مەكتەبىندە ءبىلىم الاتىن بالالاردىڭ 5,3 پايىزى عانا. بىلاي قاراعاندا از. جالپى مەكتەپتەردىڭ 36 پايىزى. بۇل مەكتەپتەردە مۇعالىمدەردىڭ 14 پايىزى ساباق بەرەدى»، - دەدى مينيستر رەسپۋبليكالىق تامىز كونفەرەنسياسى بارىسىندا.
وسى رەتتە مينيستر شاعىن جيناقتى مەكتەپتەردىڭ باسىمدىعى بار ەكەندىگىن اتاپ ءوتتى.
«اۋىل مەكتەپتەرىنىڭ قانداي باسىمدىعى بار؟ بۇل مەكتەپتەردىڭ بارلىعىندا دەرلىك ءبىر اۋىسىممەن وقۋعا بولادى. بۇل - وتە ۇلكەن باسىمدىق. وكىنىشكە وراي، قالالىق مەكتەپتەردە ءۇش اۋىسىممەن ءبىلىم بەرەتىن وقۋ وردالارى از ەمەس. كوپشىلىگى 2 اۋىسىممەن ءبىلىم بەرەدى. ال، ءبىر اۋىسۋىممەن ءبىلىم بەرۋ - شاعىن جيناقتى اۋىل مەكتەپتەرىنىڭ زور باسىمدىعى»، - دەدى اسحات ايماعامبەتوۆ.
بۇعان دەيىن مينيستر اۋىل مەكتەپتەرىنىڭ باستى پروبلەماسىن اتادى.