قازاقستاندا جىلقى ەتىنىڭ باعاسى ءبىر جىلدا قانشا پايىزعا قىمباتتاعانى بەلگىلى بولدى
بۇل وتكەن جىلدىڭ سايكەس كەزەڭىمەن سالىستىرعاندا 6,2 پايىزعا كوپ، دەپ حابارلايدى قازاقپارات ءتىلشىسى Energyprom رەسۋرسىنا سىلتەمە جاساپ.
6 اي ىشىندە ەڭ كوپ جىلقى تۇركىستان وبلىسىندا سويىلعان. بۇل وڭىردە سويىلعان مالدىڭ تازا ەتىنىڭ سالماعى 7,5 مىڭ توننانى قۇراعان. كوشباسشىلار ۇشتىگىنە اباي (سويىلعاننان كەيىنگى ەت سالماعى - 7,1 مىڭ توننا) جانە اقتوبە (سويىلعاننان كەيىنگى ەت سالماعى - 5,5 مىڭ توننا) وبلىستارى دا كىردى.
1-شىلدەدەگى اقپارات بويىنشا ەلىمىزدە 4,1 ميلليون باس جىلقى بار. بۇل وتكەن جىلمەن سالىستىرعاندا 10,6 پايىزعا كوپ. اتالعان مال باسى كوپ وڭىرلەر - تۇركىستان، قاراعاندى جانە اباي وبلىستارى.
شىلدە ايىندا ەلدىڭ بازارلارى مەن دۇكەندەرىندە جىلقى ەتىنىڭ كەلىسى 2900 تەڭگەدەن ساۋدالاندى. ال، وتكەن جىلى ەت باعاسى 16,5 پايىزعا تومەن بولعان ەدى.
باعا شارىقتاعان ايماقتار قاتارىن سولتۇستىك قازاقستان وبلىسى باستاپ تۇر. مۇندا جىلقى ەتىنىڭ قۇنى 28,8 پايىزعا وسكەن. سونىمەن قاتار، اقتوبە وبلىسى مەن شىمكەنت قالاسىندا دا باعا كوتەرىلگەن. ەڭ تومەنگى جىلدىق ءوسىم قىزىلوردا وبلىسىندا تىركەلدى. وندا جىلقى ەتى 4,5 پايىزعا قىمباتتاعان.