قىتايداعى ينتەرنەت-كومپانيا العاشقى جۇرگىزۋشىسىز تاكسي قىزمەتىن ىسكە قوستى
11 تامىز 12:01

قىتايداعى ينتەرنەت-كومپانيا العاشقى جۇرگىزۋشىسىز تاكسي قىزمەتىن ىسكە قوستى

نۇر-سۇلتان. قازاقپارات - قىتايدىڭ Baidu ينتەرنەت-كومپانياسى جۇرگىزۋشىسىز كولىكتەردى پايدالاناتىن تاكسي قىزمەتىن پايدالانۋعا رۇقسات الدى.

بۇل تۋرالى Reuters جازدى.

حابارلاماعا سايكەس، كومپانيا چۋڭچيڭ مەن ۋحان بيلىگىنەن ليتسەنزيا العان.

ءار قالاداعى بەس Baidu جۇرگىزۋشىسىز تاكسي ۋحاندا تاڭعى 9:00-دەن 17:00-گە دەيىن جانە چۋڭچيڭدە 9:30-دان 16:30-عا دەيىن جۇمىس ىستەيدى.

ءساۋىر ايىندا Baidu پەكين بيلىگىنەن جۇرگىزۋشىسىز تاكسي قىزمەتىنە ليتسەنزيا الدى. ءبىراق ەلوردا بيلىگى كومپانيادان اۆتوكولىك سالونىندا قاجەت جاعدايدا كولىك جۇرگىزە الاتىن قىزمەتكەر بولۋىن تالاپ ەتتى.

قازىرگى ۋاقىتتا كومپانيا تولىعىمەن جۇرگىزۋشىسىز تاكسي قىزمەتىنە رۇقسات الۋ ءۇشىن بەيجىڭ، شانحاي جانە شىنجىن بيلىگىمەن كەلىسسوزدەر جۇرگىزىپ جاتىر.


اقپارات دەرەككوزى: massaget.kz

جاڭالىقتار