تامبۋرداعى ەڭ قىمبات قوي. قازاقستاندىقتار پويىزداعى ەرەكشە ۆيدەونى تالقىلاپ جاتىر
ۆيدەو جۋرناليست ميحايل كوزاچكوۆتىڭ Telegram كانالىندا جاريالاندى. ۆيدەو اۆتورى رۋسلان تولەگەنوۆ پويىز 10-تامىزدا پەتروپاۆل - الماتى باعىتى بويىنشا جۇرگەنىن ايتتى.
«№7-ۆاگون، №16-پويىز، الماتى - پەتروپاۆل باعىتى. بۇل ءدال بۇگىن بولدى. مەن جەلىلىك پوليتسيا قىزمەتكەرىنە حابارلاسقانعا دەيىن، جولسەرىكتەر دە، باسشىلار دا تامبۋردا جانۋاردىڭ بولۋىنا جاۋاپ بەرگەن جوق. سودان كەيىن ءوزىم جەلىلىك پوليتسيا قىزمەتكەرىنە باردىم. حاتتاما جاسادىق جانە قويدى شىعارىپ تاستادى. قازىر ول قايدا جانە يەسىمەن نە بولاتىنىن بىلمەيمىن»، - دەيدى جولاۋشى.
ۆيدەوعا پىكىر قالدىرعان وقىرمانداردىڭ سوزىنە سۇيەنسەك، بۇل قوي اۋعاندىق دولان تۇقىمىنان. ساراپشىلاردىڭ ايتۋىنشا، بۇل تۇقىمنىڭ قويلارى ەڭ قىمبات دەپ سانالادى. سونداي-اق، ۇلكەن قۇلاقتار جانۋارلارعا قاتتى جىلۋ مەن ايازدى جەڭۋگە كومەكتەسەتىنى بەلگىلى. دولان قويلارى تەز سالماق الادى، مويىنسىنعىش جانە اۋرۋعا ءتوزىمدى.
Kaz.tengritravel.kz ءتىلشىسى ۆيدەوعا قاتىستى تۇسىنىكتەمە الۋ ءۇشىن ي ي د م باسپا ءسوز قىزمەتىنە جۇگىندى. ۆەدومستۆو مالىمەتىنشە، اتالعان پويىز «تۋركسيب استانا» ج ش س- عا تيەسىلى. الدىن الا اقپارات بويىنشا جول ءجۇرۋ بارىسىندا №7-جولاۋشىلار ۆاگونىنىڭ جولسەرىكتەرى جانۋاردى الىپ ءجۇردى.
«جولاۋشىلار تاسىمالىنىڭ قاۋىپسىزدىگى مەن جايلىلىعىن قامتاماسىز ەتۋ ماقساتىندا قاراعاندى ستانسياسىندا جانۋار ءتۇسىرىلدى. 2022 -جىلعى 11-تامىزدا ساعات 06.16 - دا پويىز بريگاداسى الماتى-2 ستانسياسىنا كەلەدى، سودان كەيىن قىزمەتتىك تەرگەۋ جۇرگىزىلىپ، جۇمىستان بوساتۋعا دەيىن تارتىپتىك سيپاتتاعى بارلىق قاجەتتى شارا قابىلدانادى»، - دەپ حابارلادى «تۇركسىب استانا» ج ش س.