شىڭجاڭدا ءىرى مۇناي كەن ورنى تابىلدى

None
None
بەيجىڭ. قازاقپارات – ق ح ر شىڭجاڭ- ۇيعىر اۆتونوميالىق ولكەسىنىڭ (ش ۇ ا ر) تارىم القابىندا 1,7 ميلليارد توننا مۇناي قورى بار ءىرى مۇناي كەن ورنى تابىلدى، دەپ حابارلايدى قازاقپارات «حۋانشيۋ شىنباۋ» باسىلىمىنا سىلتەمە جاساپ.

باسىلىمنىڭ مالىمەتىنشە، Sinopec group قىتاي مۇناي- حيميا كورپوراتسياسى شۋنبەي مۇناي- گاز كەن ورنىن (تارىم القابى، ش ۇ ا ر) بارلاۋ بارىسىندا 1,7 ميلليارد توننا مۇناي قورى بار مۇناي كەن ورنىن تاپتى.

جاڭا مۇناي كەن ورنى - الەمدەگى ەڭ تەرەڭ كوممەرتسيالىق مۇناي جانە گاز كەن ورىندارىنىڭ ءبىرى، ونىڭ ورتاشا تەرەڭدىگى 7 شاقىرىمنان اسادى.

شىڭجاڭداعى تاريم باسسەينىندە جەر استىندا 6 مىڭنان 10 مىڭ مەترگە دەيىنگى تەرەڭدىكتە ورنالاسقان مۇناي مەن گاز قورلارى قىتايداعى مۇناي مەن تابيعي گازدىڭ جالپى قورىنىڭ تيىسىنشە %80 دان استامىن جانە %60 ىن قۇرايدى.

باسىلىمنىڭ باعالاۋى بويىنشا، تارىم القابىنداعى مۇناي مەن گاز قورى كەلەسى 10 جىلداعى قىتايدىڭ قاجەتتىلىكتەرىن قاناعاتتاندىرا الادى. جاڭا مۇناي كەن ورنىنىڭ بارلانعان قورلارى ەكى جىلعا مۇنايعا دەگەن ىشكى سۇرانىستى قامتاماسىز ەتە الادى. ويتكەنى ەلدە جىلىنا شامامەن 800 ميلليون توننا مۇناي پايدالانىلادى.

سوڭعى جاڭالىقتار