يۋليا پۋتينتسيەۆا تورونتودا الەمنىڭ ءۇشىنشى راكەتكاسىن جەڭدى

نۇر- سۇلتان. قازاقپارات - قازاقستاندىق يۋليا پۋتينتسيەۆا تورونتو WTA-1000 ءتۋرنيرىنىڭ ءۇشىنشى اينالىمىنا شىقتى، دەپ حابارلايدى قازاقپارات ءتىلشىسى.

يۋ. پۋتينتسيەۆا ەكىنشى اينالىمدا الەمنىڭ 3-راكەتكاسى، يسپانيالىق پاۋلا بادوسامەن شەبەرلىك بايقاستى.

ءبىرىنشى پارتيادا قازاقستاندىق تەننيسشى باسىمدىلىق كورسەتتى - 7:5.

ەكىنشى سەتتە ەسەپ 1:0 بولعان مەزەتتە يسپانيالىق سپورتشى باسەكەنى جالعاستىرۋدان باس تارتتى.

ءبىر ساعات 27 مينۋتقا سوزىلعان كەزدەسۋدە پۋتينتسيەۆا 2 ەيس جاساپ، 13 برەيك- پوينتتىڭ ەكەۋىن پايدالانا ءبىلدى.

يۋليا پۋتينتسيەۆا شيرەك فينالعا شىعۋ ءۇشىن الەمنىڭ 37-راكەتكاسى، امەريكالىق ەليسون ريسكەمەن تالاسادى.

ەسكە سالا كەتەيىك، بۇدان بۇرىن ەلەنا رىباكينانىڭ رولان گارروس تورونتو ماستەرس تۋرنيرىندە جەڭىلىپ قالعانىن جازعان بولاتىنبىز.