مينيسترلىك اۆتوبۋس جۇرگىزۋشىسى كۋالىگىن الۋعا تالاپتاردى جەڭىلدەتۋدى ۇسىندى

None
None
نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتى ءتوراعانىڭ ورىنباسارى التاي سەمبەك ۇلى «D» ساناتىنداعى جۇرگىزۋشى كۋالىگىن الۋ ءۇشىن تالاپتاردى جەڭىلدەتۋ ۇسىنىسىن ايتتى، دەپ حابارلايدى قازاقپارات ءتىلشىسى.

«قالاداعى اۆتوبۋس جۇرگىزۋشىلەرىنىڭ تاپشىلىعىنا توقتالساق، بۇعان «D» ساناتىنداعى جۇرگىزۋشى كۋلىگىن الۋعا جوعارى تالاپتاردىڭ بولۋى دا ىقپال ەتىپ تۇر. وسى تالاپتاردى جەڭىلدەتۋ ءۇشىن «جول ءجۇرىسى تۋرالى» جانە «اۆتوموبيل كولىگى تۋرالى» زاڭدارىنا تولىقتىرۋلار ەنگىزۋ كەرەك. سوندىقتان بۇل ماسەلە ۇكىمەت باسشىلىعى دەڭگەيىندە بىرنەشە رەت قارالدى»، - دەدى ا. سەمبەك ۇلى مينيسترلىكتە وتكەن كەڭەستە.

ونىڭ ايتۋىنشا، پارلامەنت ءماجىلىسى دەپۋتاتتارى «D» ساناتىنداعى كۋالىكتى الۋ تۇرعىسىندا ءتيىستى زاڭنامالىق تۇزەتۋلەرگە باستاماشىلىق جاساعان.

«الايدا جولداعى قوزعالىس قاۋىپسىزدىگى ماسەلەسىنە جەتەكشىلىك ەتەتىن ورگان رەتىندە ىشكى ىستەر مينيسترلىگى بۇل ۇسىنىستاردى قولداماي وتىر. وسى ورايدا بۇل ماسەلەنى تالقىلاۋ ءۇشىن ىشكى ىستەر مينيسترلىگى وكىلدەرىنىڭ قاتىسۋىمەن كەڭەس وتكىزۋ كەرەك»، - دەدى كوميتەت وكىلى.

ونىڭ سوزىنە قاراعاندا، قازىرگى كەزدە «D» ساناتىنداعى جۇرگىزۋشى كۋالىگى ەلىمىزدە 387713 ادامدا بار. ال «D» ساناتىنداعى كولىكتەردىڭ جالپى سانى 63501 ءدى قۇراپ وتىر. بۇل تۇرعىدا قالالارداعى باعدارلارعا 10525 اۆتوبۋس جۇمىلدىرىلعان.

بۇدان بۇرىن حابارلانعانداي، التاي سەمبەك ۇلى قالالاردا جولاۋشىلار تاسىمالى سالاسىندا الەۋمەتتىك ماڭىزداعى باعدارلاردى سۋبسيديالاۋ پروبلەمالارىن ايتتى .

سوڭعى 4 جىلدا سۋبسيديالاۋ سوماسى بەس ەسە ءوسىپ، 102 ميلليارد تەڭگەنى قۇرادى. دەگەنمەن بۇل قاراجاتتىڭ 80 پايىزعا جۋىعى تەك نۇر- سۇلتان، الماتى، شىمكەنت قالالارىنا عانا تيەسىلى بولدى.


سوڭعى جاڭالىقتار