جەتىسايدا ءبىر مەكتەپتىڭ بارلىق تۇلەگى مەملەكەتتىك گرانتقا يە بولدى
11 تامىز 08:21

جەتىسايدا ءبىر مەكتەپتىڭ بارلىق تۇلەگى مەملەكەتتىك گرانتقا يە بولدى

تۇركىستان. قازاقپارات- تۇركىستان وبلىسى، جەتىساي اۋدانى ب. مومىش ۇلى مەكتەبىن بىتىرگەن 63 تۇلەك تۇگەلدەي مەملەكەتتىك گرانتقا يە بولدى، دەپ حابارلايدى قازاقپارات ءتىلشىسى.

جەتىساي اۋدانى ادامي الەۋەتتى دامىتۋ بولىمىنە قاراستى ب. مومىش ۇلى مەكتەپ گيمنازياسىنىڭ وقۋشىلارى بيىلعى 2021-2022 وقۋ جىلىن ءساتتى اياقتادى. مەكتەپتى ءبىتىرۋشى بەس سىنىپتىڭ 63 وقۋشىسى تۇگەلىمەن مەملەكەتتىك گرانتتىڭ يەگەرى اتاندى. ولاردىڭ 30 ى «التىن بەلگىگە» ، 21 ءى «ۇزدىك اتتەستاتقا» يە بولدى.

ايتا كەتەيىك، مەكتەپ گيمنازيانىڭ ورتاشا بالى %105 قۇراعان. اتالعان ءبىلىم ورداسىنان سوڭعى 7 جىلدا 299 التىن بەلگى، 125 قىزىل اتتەستات يەگەرلەرى شىققان.

جاڭالىقتار