ماعان بوكس ونشا ۇنامايدى - دانيار ەلەۋسىنوۆ سپورتتىق مانسابىن اياقتاۋ جايلى پىكىر ءبىلدىردى

نۇر- سۇلتان. قازاقپارات - قازاقستاندىق كاسىپقوي بوكسشى دانيار ەلەۋسىنوۆ (11-0، 6 ك و) جاقىن ارادا سپورتتىق مانسابىن اياقتاۋ ماسەلەسىنە قاتىستى پىكىر ايتتى، دەپ حابارلايدى قازاقپارات Sports.kz سايتىنا سىلتەمە جاساپ.

«ماعان بوكس ونشا ۇنامايدى، مەن بار بولعانى جەڭىسكە جەتكەندى ۇناتامىن. ماعان پروموۋتەر كەرەك، مەنىڭ جەكپە- جەككە شىعۋىم كەرەك. جىل سوڭىنا دەيىن وسى ويلاعانىم بولماسا، وندا سپورتتىق مانسابىمدى اياقتايتىن شىعارمىن. مەن ءوزىمدى ماعان سەنەتىن جانە مەن ءۇشىن باسىن بايگەگە تىگەتىن پروموۋتەرگە لايىقپىن دەپ سانايمىن»، - دەدى سپورتشى.

دانيار سوڭعى رەت جەكپە- جەكە وتكەن جىلدىڭ جەلتوقسانىندا ارگەنتينالىق حۋان ەرنان لەالمەن (15-3، 4 ك و) شىققان. ول جولى تورەشىلەر ءبىراۋىزدان شەشىم شىعارىپ، IBO نۇسقاسى بويىنشا جارتىلاي ورتا سالماقتا الەم چەمپيونى اتاعىن ەلەۋسىنوۆكە بەرگەن ەدى.