بيىل حالىقتىڭ تابيعي ءوسىمى كەمىپ، دۇنيەگە كەلگەن سابيلەر سانى ازايعان
10 تامىز 21:55

بيىل حالىقتىڭ تابيعي ءوسىمى كەمىپ، دۇنيەگە كەلگەن سابيلەر سانى ازايعان

نۇر- سۇلتان. قازاقپارات – 1-شىلدەگە دەيىن ەلىمىزدەگى حالىق سانى 19246,3 مىڭ ادامدى قۇرادى، ونىڭ ىشىندە قالالىقتار - 11479,6 مىڭ (%59,6)، اۋىلدىقتار - 7766,7 مىڭ ادام (%40,4).

بىلتىرعى 1-شىلدەمەن سالىستىرعاندا حالىق سانى 236,7 مىڭ ادامعا نەمەسە %1,2 ءوستى، دەپ حابارلايدى قازاقپارات.

ۇلتتىق ستاتيستيكا بيۋروسىنىڭ مالىمەتىنشە، 2022 -جىلعى قاڭتار- ماۋسىمدا رەسپۋبليكا حالقىنىڭ تابيعي ءوسىمى 2021 -جىلعى قاڭتار- ماۋىممەن سالىستىرعاندا (139,7 مىڭ ادام) %7,7 كەمىپ، 128,9 مىڭ ادامدى قۇرادى.

تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,51 ادامدى قۇرادى.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2022 -جىلعى قاڭتار- ماۋسىمدا دۇنيەگە كەلگەندەر سانى - 198,1 مىڭ ادام.

بۇل 2021 -جىلعى قاڭتار- ماۋسىمعا (216,2 مىڭ ادام) قاراعاندا %8,4 از. تۋۋدىڭ جالپى كوەففيتسيەنتى 1000 ادامعا - 20,76 جاڭا تۋعان قۇرادى.

قاراستىرىلىپ وتىرعان كەزەڭدە 69,2 مىڭ ادام قايتىس بولدى، بۇل 2021 -جىلعى قاڭتار- ماۋسىمعا (76,6 مىڭ ادام) قاراعاندا %9,6 از.

ءولىم-ءجىتىمنىڭ جالپى كوەففيتسيەنتى 1000 ادامعا 7,25 قايتىس بولعاندى قۇرادى.

2022 -جىلعى قاڭتار- ماۋسىمدا رەسپۋبليكادا 1 جاسقا دەيىن شەتىنەگەن 1649 نارەستە تىركەلدى. 2021 -جىلعى ءتيىستى كەزەڭمەن سالىستىرعاندا (1688 شەتىنەگەن نارەستە) %2,3 كەمىدى.

نارەستە ءولىم- ءجىتىمىنىڭ كوەففيتسيەنتى 1000 تۋعاندارعا شاققاندا 8,32 وقيعانى قۇرادى.

جاڭالىقتار