بيىل كونكۋرسقا قاتىسقان مۇگەدەك جانە جەتىم بالالارعا تۇگەل گرانت بەرىلدى - مينيسترلىك
بۇل تۋرالى عجبم جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى ەرجان امىربەك ۇلى بريفينگتە ءمالىم ەتتى، دەپ حابارلايدى قازاقپارات ءتىلشىسى.
«بيىل مەملەكەتتىك گرانت الۋ ءۇشىن 79 مىڭنان استام تالاپكەر ءوتىنىش جولدادى. ونىڭ باسىم كوپشىلىگى وڭتۇستىك وڭىرلەردەن كەلىپ ءتۇستى. جەڭىمپازداردى انىقتاۋ ارنايى ەرەجەگە سايكەس جۇرگىزىلدى. الدىمەن ۇ ب ت- دا العان بالل انىقتالادى. سونداي-اق، ۇكىمەت قاۋلىسىنا سايكەس، جەڭىلدىك الۋعا قۇقىلى ادامدار ەسكەرىلدى. بۇل ورايدا ۇپايلار تەڭ بولعان كەزدە، باسىمدىق «التىن بەلگى» يەگەرلەرىنە، رەسپۋبليكالىق جانە حالىقارالىق كونكۋرستار مەن وليمپيادالاردىڭ جەڭىمپازدارىنا بەرىلدى. بيىل جوعارى وقۋ ورىندارىنا تۇسەتىن جەتىمدەر مەن مۇگەدەكتىگى بار ادامدار تولىق مەملەكەتتىك ءبىلىم گرانتتارىمەن قامتاماسىز ەتىلدى»، - دەدى عىلىم جانە جوعارى ءبىلىم مينيسترلىگىنە قاراستى ۆەدومستۆونىڭ وكىلى.
ايتا كەتەيىك، بۇعان دەيىن قۇزىرلى ورگان ۇ ب ت تاپسىرۋ بارىسىندا زاڭ بۇزۋشىلىققا بارعان تالاپكەرلەردىڭ گرانتى جويىلاتىنىن مالىمدەگەن ەدى.