تالاپكەردىڭ ۇ ب ت كەزىندە ەرەجە بۇزعانى كامەراعا ءتۇسىپ قالسا، ول گرانتىنان ايىرىلادى
10 تامىز 21:25

تالاپكەردىڭ ۇ ب ت كەزىندە ەرەجە بۇزعانى كامەراعا ءتۇسىپ قالسا، ول گرانتىنان ايىرىلادى

نۇر- سۇلتان. قازاقپارات – ۇ ب ت تاپسىرۋ بارىسىندا زاڭبۇزۋشىلىققا جول بەرگەن تالاپكەردىڭ گرانتى جويىلادى.

مۇنى عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى ەرجان امىربەك ۇلى ايتتى، دەپ حابارلايدى قازاقپارات ءتىلشىسى.

«سوڭعى كەزدەرى ۇلتتىق ءبىرىڭعاي تەستىلەۋدىڭ اشىقتىعىن قامتاماسىز ەتۋ ماقساتىندا ۇلكەن شارۋا اتقارىلدى. تالاپكەر گرانت العانعا دەيىن جانە گرانت يەگەرى اتانىپ قويعان جاعدايدا دا بەيناكامەر جازبالارى جەلتوقسان ايىنا دەيىن تەكسەرىلە بەرەدى. تيىسىنشە، گرانت يەگەرلەرى ۇ ب ت تاپسىرۋ كەزىندە زاڭبۇزۋشىلىقتارعا جول بەرگەن بولسا، وندا ولاردىڭ گرانتى جويىلادى»، - دەدى ەرجان امىربەك ۇلى.

ەسكە سالا كەتەيىك، بۇعان دەيىن ۇ ب ت- دان شەكتى بالل جيناي الماعان تالاپكەرلەر جوعارى وقۋ ورىندارىنا شارتتى نەگىزدە تۇسە الاتىنىن حابارلاعان بولاتىنبىز.

جاڭالىقتار