ايەلگە كور قازدىرعان - پوليتسيا قاۋىپتى قىلمىستىق توپتى قالاي ۇستاعانىن ءمالىم ەتتى
«حاميدۋللا- ءومىرزاقوۆ» اتتى ۇيىمداسقان قىلمىستىق توپ قازاقستاندا 2019 -جىلدىڭ باسىندا پايدا بولعان. اتالمىش توپ نەگە سولاي اتالادى دەسەڭىز، جاۋاپ قاراپايىم: ۇيىمداستىرۋشىلارى - باعدات حاميدۋللا مەن جاندوس ءومىرزاقوۆ.
باندانى قۇرۋ ءۇشىن قىلمىستىق كوشباسشىلار فيزيكالىق تۇرعىدان مىقتى، سوتتىلىعى بار ءارى قىلمىستىق جاۋاپكەرشىلىكتەن قورىقپايتىن تانىستارىنىڭ باسىن قوسقان. وسىلايشا، 16 ادامنان قۇرالعان ۇيىم بىرنەشە جىل ىشىندە قاراقشىلىق، توناۋ، بۇزاقىلىق، بوپسالاۋ جانە ءوزىن-ءوزى باسقارۋمەن اينالىسقان.
قىلمىسكەرلەر «ىسكە» قۇر قولمەن بارمايتىن: ءتىنتۋ كەزىندە پىسىقايلاردان قارۋ، وق- دارىلەر جانە جارىلعىش زاتتار تاركىلەنگەن. پوليتسەيلەر بۇزاقىلاردىڭ قىلمىستىق ومىرىندە ورىن العان كەيبىر ەپيزودتارمەن ءبولىستى.
ءبىر كۇنى قىلمىسكەرلەرگە ش. جانە ا. دەگەن تانىستارى جۇگىنىپتى. جىگىتتەر ب. ازاماتشاسىنان قارىزىن الىپ بەرۋدى وتىنسە كەرەك. ايتۋلارىنشا، 27 جاستاعى بورىشكەر ولاردان ەكى Toyota Camry كولىگىن ساتىپ بەرۋ ءۇشىن الىپ، كەيىن اقشاسىن دا، مۇلكىن دە قايتارماي قويعان. ءتورت كۇننەن كەيىن توپ مۇشەلەرىنىڭ ءبىرى ايەلدى تۇرعىلىقتى مەكەنجايىنان ۇستاپ العان.
قىلمىسكەرلەر قۇرباندى 10 كۇن بويى الماتىنىڭ ءبىرقاتار جالدامالى پاتەرلەرىندە ۇستاپ، ۇرىپ- سوققان، ونىڭ ۇستىنە تاپانشامەن قورقىتقان. ءتىپتى زيرات باسىنا اپارىپ، قابىر قازۋعا ماجبۇرلەگەن.
كەيىن سول جەرگە ءتۇسىرىپ، تىزەسىن بۇكتىرىپ قويىپ، باسىنىڭ ءدال قاسىنان وق اتقان. ناتيجەسىندە زيانكەستەر Hummer اۆتوموبيلىن جانە 3,4 ميلليون تەڭگەنى يەلەنگەن.
تاعى ءبىر جاعداي 2020 -جىلى تىركەلگەن. ماۋسىم ايىندا تاراز ۇ ق ت مۇشەلەرى «حاميدۋللا- ءومىرزاقوۆ» توبىنىڭ ءبىر قاتىسۋشىسىن ۇرىپ- سوققان. سوڭعىسى بۇل تۋرالى توپ جەتەكشىلەرىنە جەتكىزگەن. قىلمىستىق ورتادا ءوز بەدەلىن كوتەرۋ ءۇشىن باعدات حاميدۋللا مەن جاندوس ءومىرزاقوۆ قارسىلاستارىن جازالاۋ تۋرالى شەشىم قابىلدايدى.
وسىلايشا، تۇندە تاراز قالاسىندا بانديتتەر قارسىلاستاردىڭ كولىگىنىڭ ورنىن انىقتايدى. الايدا تەمىر تۇلپاردىڭ ىشىندە تارازدىقتاردىڭ وزدەرى ەمەس، تانىستارى بولىپتى. سولارعا شابۋىل جاساپ، تاپانشامەن قورقىتىپ، باسقا كولىكپەن جامبىل وبلىسىنىڭ اقىرتوبە اۋىلىنا اپارعان.
تارازدىق ۇ ق ت قاتىسۋشىلارى تۋرالى سۇراقتارعا جاۋاپ الا الماي، ولار قۇنى 6 ميلليون تەڭگە تۇراتىن BMW-645 كولىگىن الىپ كەتكەن.
ۆەدومستۆو بەرگەن اقپارعا سۇيەنسەك، بۇگىندە قىلمىستىق توپتىڭ الماتى قالاسى، الماتى جانە جامبىل وبلىستارىندا ورىن العان قىلمىستىق قۇقىق بۇزۋشىلىقتارىنىڭ 16 ەپيزودى تىركەلىپ وتىر. جەدەل- ىزدەستىرۋ ءىس- شارالارى 2020 -جىلدىڭ ماۋسىمىندا باستاۋ العان، ناتيجەسىندە پوليتسيا قىزمەتكەرلەرى ۇ ق ت قاتىسۋشىلارىنىڭ جەكە باسىن انىقتاي الدى. ءتارتىپ ساقشىلارى 80-نەن استام ءتىنتۋ جۇرگىزگەن. مامانداردىڭ ايتۋىنشا، جۇمىس توپتىڭ قاستىق ادىستەرىن ءجىتى ءبىلۋ كەرەك بولعاندىقتان قيىنعا سوقتى.
- ۇيىمداسقان توپتىڭ قىلمىستىق ارەكەتىنىڭ جولىن كەسۋ بويىنشا ارنايى وپەراتسيانى ءىىم مەن ۇ ق ك بىرلەسە وتىرىپ 2020 -جىلدىڭ قاراشاسىندا جۇرگىزە باستاعان. 12 كۇدىكتى ەلىمىزدىڭ بەس وڭىرىندە: الماتى قالاسى، الماتى، جامبىل، اقتوبە جانە باتىس قازاقستان وبلىستارىندا ۇستالدى، - دەپ اتاپ ءوتتى ءى ءى م تەرگەۋ دەپارتامەنتىنىڭ اسا ماڭىزدى ىستەر جونىندەگى اعا تەرگەۋشىسى باقتيار مۇسابايەۆ.
ال قىلمىستىق توپ جەتەكشىلەرىنىڭ قايدا ەكەندىگى ءسال كەيىنىرەك انىقتالدى. باعدات حاميدۋللانى پوليتسەيلەر دۋبايدا انىقتاعان، ەكستراديتسيالىق ماتەريالدار جىبەرىلدى. ال ەكىنشى كوشباسشى جاندوس ءومىرزاقوۆ 2021 -جىلدىڭ قاراشا ايىندا الماتىدا ۇستالدى.
ۇ ق ت- نىڭ تاعى ەكى قاتىسۋشىسى قازىر حالىقارالىق ىزدەۋدە. ۇستالعانداردىڭ ارەكەتتەرى قر قك- ءنىڭ 262-بابى «ۇيىمداسقان توپقا نەمەسە قىلمىستىق ۇيىمعا قاتىسۋ»، 126-بابى «ادامدى باس بوستاندىعىنان زاڭسىز ايىرۋ»، 191-بابى «توناۋ، بوتەننىڭ مۇلكىن اشىق ۇرلاۋ»، 192-بابى 2-بولىگى «قاراقشىلىق شابۋىل»، 194-بابى «قورقىتىپ الۋشىلىق»، 287-بابى «اتىس قارۋىن (تەگىس ۇڭعىلى اڭشىلىق قارۋىنان باسقا)، وق- دارىلەردى, جارىلعىش زاتتاردى نەمەسە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» ، 389-بابى «وزبىرلىق» بويىنشا سارالانعان.
2021 -جىلدىڭ جەلتوقسانىندا الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتتىڭ ۇكىمىمەن كۇدىكتىلەر كىنالى دەپ تانىلىپ، 2 جىلدان 12 جىلعا دەيىن باس بوستاندىعىنان ايىرىلعان.
فوتو: polisia.kz