شىنجاڭنىڭ ءىرى قالالارىندا كوروناۆيرۋستىڭ ورشۋىنە بايلانىستى شەكتەۋ ەنگىزىلدى
10 تامىز 15:43

شىنجاڭنىڭ ءىرى قالالارىندا كوروناۆيرۋستىڭ ورشۋىنە بايلانىستى شەكتەۋ ەنگىزىلدى

بەيجىڭ. قازاقپارات - 4 ميلليوننان استام حالقى بار ق ح ر شىڭجاڭ- ۇيعىر اۆتونوميالىق ولكەسىنىڭ (ش ۇ ا ءو) اكىمشىلىك ورتالىعى ۇرىمجىدە كوروناۆيرۋستىڭ ورشۋىنە بايلانىستى بەس كۇندىك شەكتەۋلەر ەنگىزىلدى،

دەپ حابارلايدى قازاقپارات مەنشىكتى ءتىلشىسى ىندەتپەن كۇرەس جونىندەگى جەرگىلىكتى شتابقا سىلتەمە جاساپ.

سەيسەنبىدەن باستاپ ءۇرىمجى قالاسىنىڭ التى اۋدانىنىڭ تۇرعىندارىنا كوشەگە شىعۋعا شەكتەۋ قويىلدى. ش ۇ ا ءو اكىمشىلىك ورتالىعىندا «ستاتيستيكالىق باسقارۋ» ەنگىزىلەدى جانە تۇرعىن ورامدار، ءتىپتى جەكە اۋلالارعا دەيىن «ءبىر رەت كىرىپ- شىعۋ» قاعيداتى قاتاڭ ساقتالاتىن بولادى.

مۋنيتسيپالدى مەملەكەتتىك ورگاندار مەن بارلىق دەڭگەيدەگى مەكەمەلەردىڭ قىزمەتكەرلەرى قاشىقتان جۇمىس رەجيمىنە اۋىسادى. تەك اۋىلشارۋاشىلىق بازارلارى، قاجەتتى تاۋارلارى بار دۇكەندەر، ءدارىحانالار مەن اۋرۋحانالار اشىق بولادى. قالالىق قوعامدىق كولىك قوزعالىسى ۋاقىتشا توقتاتىلدى.

حابارلامادا ايتىلعانداي، بەس كۇن ىشىندە اسا قاجەتتىلىك بولماسا، ءۇرىمجى قالاسىنا كەلۋگە تىيىم سالىنادى. بۇل رەتتە اۋە، اۆتو جانە تەمىرجول قاتىناسى قالىپتى رەجيمدە جۇمىس ىستەيتىن بولادى.

كوۆيدكە قاتىستى شەكتەۋ 500 مىڭعا جۋىق حالقى بار قۇلجا (ق ح ر ش ۇ ا ا) قالاسىندا دا ەنگىزىلدى.

سوڭعى مالىمەتتەر بويىنشا، جالپى العاندا، شىلدە ايىنىڭ سوڭىنان باستاپ ش ۇ ا ءو- دە 500-دەن استام اسيمپتوماتيكالىق كوروناۆيرۋس تاسىمالداۋشىسى انىقتالدى. ولاردىڭ كوپشىلىگى قۇلجا قالاسىندا (405 جاعداي) تىركەلگەن.

COVID-19 اۋرۋى شىڭجاڭنىڭ باسقا دا ءىرى ەلدى مەكەندەرىندە - ءۇرىمجى، حوتان، تۋرفان، اقسۋ، بۇراتالا جانە قۇمىل قالالارىندا، سونداي- اق قاشعار، تارباعاتاي جانە التاي وكرۋگتەرىندە تىركەلگەن.

وتكەن تاۋلىكتە ش ۇ ا ءو- دە كوروناۆيرۋستىڭ 120-دان استام سيمپتومسىز تاسىمالداۋشىسى تىركەلگەن، ونىڭ 70-تەن استامى قۇلجا قالاسىندا انىقتالعان.

اۆتور اياۋلىم التىنبەك


جاڭالىقتار