ايەل ەنەرگياسىن قالاي كوتەرۋگە بولادى؟
10 تامىز 16:03

ايەل ەنەرگياسىن قالاي كوتەرۋگە بولادى؟

نۇر- سۇلتان. قازاقپارات - ءاربىر ايەل وزىنە بارلىعىنىڭ قىزىعىپ قاراعانىن قالايدى.

ول ءۇشىن سىزدەن شۋاق شاشىلىپ، جاعىمدى ەنەرگيا تارالىپ تۇرۋى كەرەك. ال ەنەرگيانى قايدان الاتىنىمىزدى، قازىر ايتامىز.

جاقىن قۇربىلارىڭىزبەن جيىرەك كەزدەسىڭىز. ايەلدەرمەن بولاتىن قارىم- قاتىناس ايەلدىك ەنەرگيانى كوبەيتەدى جانە ەموتسياڭىزدى شىعارۋدىڭ دۇرىس شەشىمى؛

پسيحولوگتىڭ كومەگىنە جۇگىنەر بولساڭىز، جاسى وزىڭىزدەن ۇلكەن ايەل كىسىنى تاڭداڭىز. اجەلەرمەن دە اڭگىمە- دۇكەن قۇرعاننىڭ ارتىقتىعى جوق. ەگەر ءالى تۇرمىس قۇرماعان بولساڭىز، وتباسىلى قۇربىلارىڭىزبەن ءجيى سويلەسىڭىز. بۇل ءسىزدىڭ بولاشاق نەكەلى ومىرىڭىزگە ارناپ جينالاتىن مول ەنەرگيانىڭ قورى؛

ەر ادامداردان جيىرەك كومەك سۇراڭىز؛

جۇيەلى تۇردە ماسساجعا بارىپ، بيمەن نەمەسە يوگامەن اينالىسۋدىڭ كومەگى زور. تەك جاتتىقتىرۋشىڭىز ايەل كىسى بولسىن؛

ايقايلاپ ۇرىسپاڭىز، ول سىزدەگى ەر ادامنىڭ ەنەرگياسىن ارتتىرىپ جىبەرەدى؛

ادامداردى كوبىرەك تاماقتاندىرىڭىز! مىسالى كۇيەۋىڭىزدى، دوستارىڭىزدى، جانۋارلاردى تاماقتاندىرۋ ارقىلى ەنەرگيانى كوتەرۋگە بولادى.

قايىرىمدىلىقپەن اينالىسىڭىز؛

جۇيەلى تۇردە ۇيىڭىزگە تازالىق جۇمىستارىن جۇرگىزىپ وتىرىڭىز. كەرەك ەمەس، ەسكى زاتتاردان ارىلىڭىز؛

سۋ- ايەلدىك ەنەرگيانىڭ كوزى. تەڭىزگە، كولگە، وزەنگە بارىڭىز، تىم بولماسا دۋشقا ءجيى ءتۇسىڭىز؛

ءسوز تالاستىرماڭىز، شاعىم ايتپاڭىز، سالىستىرماڭىز! جۇمساق، مەيىرىمدى بولىپ وزىڭىزگە جانە باسقا ايەلدەرگە دە قوشەمەت ايتا ءبىلىڭىز؛

ءۇي گۇلدەرىن ءوسىرىپ، قولونەرمەن اينالىسىڭىز؛

«مەن ىستەي الامىن!» دەگەن ءسوزدى سيرەك قولدانۋعا تىرىسىڭىز. بۇل ەر ادامدارعا ءتان قاسيەتتىڭ نىشانى. ونىڭ ورنىنا «مەن قالايمىن» دەگەندى قولدانىڭىز. ءبىراق ءوزىڭىزدىڭ نەنى قالايتىنىڭىزدى انىقتاپ الىڭىز.

جالعىز قالۋدان قورىقپاڭىز! بۇل ۋاقىتتى وزىڭىزگە ارناپ، ەنەرگياڭىزدى مولايتۋعا جۇمساڭىز.

جاڭالىقتار