الەم عاجايىپتارى: كوكتەن تۇسكەن تاستار

نۇر- سۇلتان. قازاقپارات - ءبىرى بىلسە، ءبىرى بىلمەيدى كۇنىنە جەر بەتىنە كەم دەگەندە ءبىر مىڭ مەتەوريت تۇسەدى. ولاردىڭ ءبارىن عالىمدار بايقاپ ۇلگەرمەيدى.

تەك جانىپ ودان قالعان قالدىقتارىنان تۇسكەن ۇساق تاستاردى زەرتتەيدى. دانيالىق عالىم ۆ. بۋحۆالد گرەنلانديادان ون بەس توننالىق مەتەوريت تاپقان.

جازدىگۇنى عالىم گرەنلانديانىڭ سولتۇستىك- باتىس اۋداندارىنىڭ بىرىنەن كوكتەن تۇسكەن تاستاردى ىزدەۋگە كىرىسەدى. يورك ءمۇيىسىنىڭ ماڭىن ارالايدى. بۇل جەردى تاڭداپ الۋى تەگىن ەمەس. 1894 -جىلدىڭ وزىندە- اق بەلگىلى پوليار زەرتتەۋشىسى امەريكا عالىمى ر. پيري وسى جەردەن كوپتەگەن مەتەوريتتەر كەزدەستىرگەن.

جالپى جەر شارىنان تابىلعان مەتەوريتتەردىڭ ەڭ ۇلكەنى قازىرگى كۇندە وڭتۇستىك- باتىس افريكا جەرىندە جاتىر. ول «گوبا» دەپ اتالادى. ەڭ قىزىعى بۇل مەتەوريتتىڭ سالماعى الپىس توننا تارتىپ تۇرعاننان كەيىن، ونى الەمدەگى كەز كەلگەن مۇراجايعا قويۋ مۇمكىندىگى جوق. وسىدان كەيىن ر. پيري ەكىنشى ۇلكەن مەتەوريتتى گرەنلانديادان كەزدەستىرەدى. ارحەولوگيالىق قازبالار كەزىندە كەيدە تاڭعاجايىپ زاتتار تابىلادى. 1892 -جىلى ارگەنتينادا ارحەولوگيالىق قازبا جۇمىستارى كەزىندە التى مەتر تەرەڭدىكتە قازىرگى كۇندە دۇنيە جۇزىندە كەزدەسپەيتىن مەگاتەريا دەگەن كەسىرتكەنىڭ قاڭقاسى تابىلادى، ول بۇدان ميلليونداعان جىل بۇرىن مەتەوريت ءتيىپ ولگەن دەپ توپشالايدى. ال وعان دالەل اسپاننان تۇسكەن تاس ونىڭ قاسىندا جاتقان. جەر بەتىندە ءبىز بىلگەن جانە بىلمەگەن الەم عاجايىپتارى قانشا ما. ولاردىڭ ءالى جۇمباعى دا اشىلعان جوق.

Massaget.kz