شىعىس قازاقستان وبلىسىندا ايۋ مالعا شاپتى
ش ق و تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنە سۇيەنسەك، ۇلان اۋدانىنىڭ تۇرعىنى سيىرىن ايۋ جارىپ كەتكەنىنە شاعىمدانعان. وقيعا ورنىنا بارعان كوميسسيا مۇشەلەرى جانۋار تەرىسىنىڭ قالدىقتارىن، كەمىرىلگەن سيراقتارىن تاپقان.
«سيىردى ايۋ ءولتىردى دەپ ناقتى ايتۋعا كەلمەدى. ول ولگەن جانۋاردى جەپ كەتۋى مۇمكىن. ءبىر اي وتكەن سوڭ سول ازامات جىرتقىش اڭنىڭ تاعى دا مالىنا شابۋىل جاساعانىن ايتتى. بۇل جولى ەر ادام ولگەن سيىردىڭ سۋرەتىن جىبەردى. وسى جولى مالعا ايۋ شاپقانى كورىنىپ تۇر»، - دەدى باسقارمانىڭ ورمان جانە اڭشىلىق شارۋاشىلىعى ءبولىمى جەدەل ارەكەت ەتۋ جاساعى باسشىسىنىڭ ورىنباسارى ۆاسيلي تكاچەنكو.
قازىرگى ۋاقىتتا سول جەرگە تاعى دا كوميسسيا مۇشەلەرى اتتاندى. سيىردىڭ ولەكسەسى مانات اۋىلىنا بارار جولدىڭ ماڭىنان تابىلعان.
فوتو: ainews.kz