قىرىمداعى رەسەيدىڭ اسكەري ايەرودرومىندا بىرنەشە جارىلىس بولعانى حابارلاندى

None
None
نۇر- سۇلتان. قازاقپارات – 9- تامىزدا اننەكسيالانعان قىرىمداعى نوۆوفەدوروۆكا كۋرورتتىق ەلدىمەكەنىندەگى ساكي ايەرودرومىندا بىرنەشە جارىلىس بولعانى حابارلاندى.

بۇل تۋرالى جەرگىلىكتى تۇرعىندار Reuters اگەنتتىگىنە ايتقان. ازاتتىق راديوسىنىڭ كرىم. رەالي سايتىنىڭ جازۋىنشا، مۇندا اسكەري قارۋ- جاراق قويماسى ورتەنىپ جاتىر.

ال رەسەي قورعانىس مينيسترلىگى ايەرودروم اۋماعىندا اۆياتسيالىق قارۋ- جاراق جارىلعانىن مالىمدەدى. ال نوۆوفەدوروۆكا بيلىگى بىرنەشە جارىلىس بولعانىن ايتتى. بۇعان قوسا، وقيعا ورنىنا جەدەل جاردەم قىزمەتى مەن سانيتارلىق اۆياتسيا جىبەرىلگەنى دە حابارلاندى.

ساكي اەرودرومى حەرسون وبلىسىنداعى ۋكراينا اسكەرىنىڭ پوزيتسياسىنان 200 شاقىرىم جەردە ورنالاسقان. كرىم. رەالي سايتىنىڭ جازۋىنشا، بۇل ايەرودرومدا رەسەيدىڭ 3-اۆياتسيالىق پولكى ورنالاسقان، پولك قۇرامىندا

س ۋ- 30 س م، س ۋ-33 جانە س ۋ-24 م ۇشاقتارى بار. بۇعان دەيىن پولكتىڭ ۋكرايناداعى سوعىسقا قاتىسىپ جاتقانى ايتىلعان.

ساكي ايەرودرومى 2014 -جىلدان بەرى رەسەي اسكەرىنىڭ بازاسىنا اينالعان. رەسەي بۇل جەردەن سوعىس باستالعالى ءجيى ۇشاق ۇشىرادى.

1945 -جىلى اقپاندا بۇل ايەرودرومعا انتيگيتلەرلىك كواليتسيا باسشىلارى – ا ق ش پرەزيدەنتى فرانكلين رۋزۆەلت پەن بريتانيا پرەمەرى ۋينسترون چەرچيلل مىنگەن ۇشاقتار قونعان. ولار مۇندا يالتا كونفەرەنسياسىنا قاتىسۋعا كەلگەن ەدى.

سوڭعى جاڭالىقتار