قىلمىستىق توپ شىعىس قازاقستان مەن الماتى وبلىستارىندا ەسىرتكى ساتىپ كەلگەن
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وتكەن جىلدىڭ جازىندا پوليسەيلەر شىعىس قازاقستان مەن الماتى وبلىسىنداعى ءىرى ەسىرتكى ارناسىنىڭ جولىن كەسۋ بويىنشا كەڭ اۋقىمدى ارنايى وپەراتسيا جۇرگىزدى.
ءبىر اي ىشىندە قىلمىستىق توپتىڭ بارلىق التى مۇشەسى ۇستالدى. قازىرگى ۋاقىتتا سوت ۇكىمىمەن ولار 10 جىلدان استام مەرزىمگە باس بوستاندىعىنان ايىرىلدى.
«قىلمىسكەرلەر ءاردايىم جالدامالى پاتەرلەردى اۋىستىرىپ وتىرعان. ەسىرتكى ساۋداسىمەن اينالىسقان توپتىڭ ءار مۇشەسىندە وزىنە جۇكتەلگەن مىندەتى بولدى. ماسەلەن، بىرەۋ جەتكىزۋ ءۇشىن جاۋاپ بەرسە، ەندى ءبىرى ەسىرتكىنىڭ دوزاسىن ولشەپ، كەيىننەن قالا بويىنشا ارنايى ورىندارعا جاسىرىپ كەتىپ ءجۇردى. ءتىنتۋ بارىسىندا ساتۋعا دايىن شامامەن 10 كەلى سينتەتيكالىق ەسىرتكى تاركىلەندى. بۇل شامامەن 100000 بىررەتتىك دوزاعا تەڭ»، - دەلىنگەن اقپاراتتا.
ەندى ولاردىڭ بارلىعى قاۋىپسىزدىگى ورتاشا جانە جوعارى تۇزەتۋ مەكەمەلەرىندە ءوز جازالارىن وتەيتىن بولادى.