قازاقستان مەن تۇرىكمەنستان اراسىنداعى اۆتوجول بويىندا كوپىر قۇرىلىسى باستالدى
10 تامىز 09:18

قازاقستان مەن تۇرىكمەنستان اراسىنداعى اۆتوجول بويىندا كوپىر قۇرىلىسى باستالدى

نۇر- سۇلتان. قازاقپارات - تۇرىكمەنستان پرەزيدەنتى سەردار بەردىمۇحامەدوۆ ماڭىزدى كولىك ينفراقۇرىلىمى نىسانىنىڭ - «تۇرىكمەنباشى- گارابوگاز- قازاقستان شەكاراسى» اۆتوموبيل جولى بويىنداعى گارابوگاز كەل شىعاناعى ارقىلى وتەتىن كوپىردىڭ ىرگەتاسىن قالاۋ راسىمىنە قاتىستى، دەپ حابارلايدى قازاقپارات «تۋرمەنيستان سەگودنيا» اگەنتتىگىنە سىلتەمە جاساپ.

«زامان تالاپتارىن ەسكەرە وتىرىپ، گارابوگاز كەل شىعاناعى ارقىلى وتەتىن اۆتوموبيل كوپىرىنىڭ قۇرىلىسىن باستاۋدى قولعا العان دۇرىس دەپ سانادىق. وسى جىلدىڭ 16 -ماۋسىمىندا قابىلدانعان قاۋلىعا سايكەس، جالپى ۇزىندىعى 354 مەتر جانە ەنى 21 مەتر بولاتىن اۆتوموبيل كوپىرىنىڭ جوبالىق- سمەتالىق قۇجاتتاماسىن دايىنداۋ جانە سالۋ كوزدەلگەن. كوپىر تۇرىكمەنباشىدان گارابوگاز كەل شىعاناعى ارقىلى قازاقستان شەكاراسىنا دەيىن اپاراتىن تاس جولدىڭ بويىندا سالىنادى»، - دەپ اتاپ ءوتتى سەردار بەردىمۇحامەدوۆ.

جاڭا كوپىر ەلدىڭ شىعىس جانە سولتۇستىك وڭىرلەرى، سونداي- اق كورشىلەس مەملەكەتپەن اراداعى تاۋار اينالىمى، جۇك جانە جولاۋشىلار تاسىمالى كولەمىن ايتارلىقتاي ارتتىرادى دەگەن جوسپار بار.

ول تۇرىكمەنستان، رەسەي، قازاقستان، يران مەن ءۇندىستاننىڭ جۇك تاسىمالداۋشىلارىنا تەڭىز، تەمىرجول جانە اۆتوموبيل كولىگىن پايدالانىپ، ەڭ قىسقا جولمەن سولتۇستىك جانە شىعىس ەۋروپا ەلدەرىنە شىعۋعا مۇمكىندىك بەرمەك.

جاڭالىقتار