كەنەسارىدان مۇستافا وزتۇرىككە دەيىن
ۆەلوشاباندوز وسىعان دەيىن ەل ىشىندە ءتۇرلى شەرۋ وتكىزىپ، ەكى مارتە قازاقستان رەكوردىن ورناتتى. تاياۋدا كەنەسارى حاننىڭ رۋحىنا ارناپ، قاراعاندىعا بارىپ قايتقان. ەندى وسى جولدى جالعاستىرىپ ىستانبۇلعا ساپار شەكپەك. بۇل ساپاردى احمەت بايتۇرسىن ۇلىنىڭ تۋعان اۋىلىنان باستايدى. ال تۇركيادا مۇستافا وزتۇرىكتىڭ باسىنا بارىپ، قۇران باعىشتايدى. تەمىر ات تاقىمداعان ەرنات مەلس ۇلى وسىعان دەيىن قاراعاندىعا بارىپ قايتتى. جولىن كەنەسارى حاننىڭ 220 جىلدىعىنا ارناعان. بۇل الداعى قىرقۇيەك ايىندا تۇركيا ساپارىنىڭ باستاۋى ەدى. ەندى سول جولدى ودان ءارى جالعاستىرماق. ياعني احمەت بايتۇسرىن ۇلىىنڭ 150 جىلىدعى وتەتىن اقكولگە بارىپ، سول جەردەن ستامبۇلعا ءجۇرىپ كەتپەك.
ەرنات مەلس ۇلى، جۋرناليست، ۆەلوساياحاتشى:
- بيىل نەگىزى كەنەسارى حاننىڭ 220 جىلدىعى عوي، بۇل جەردەگى ماقسات سول 220 جىلدىققا 220 شاقىرىمدى ءبىر كۇندە باعىندىرۋ بولعان. ەندى وسى ۆەلوشەرۋلەردى ءارى قاراي جالعاستىرىپ جاتىرمىن. الداعى ماقساتىم حالىقارالىق دەڭگەيگە شىعۋ. احمەت بايتۇرسىن ۇلىنىڭ 150 جىلدىعىنا ارناپ ازەربايجان، گرۋزيا، تۇركياعا دەيىن بارامىن.
سونىمەن ساپار احمەت بايتۇرسىن ۇلىنىڭ كىندىك قانى تامعان جەر - اقكول، سارىتۇبەكتەن 4-قىركۇيەكتە باستالادى. ءارى قاراي ساپار تورعايدا جالعاسىپ، امانتوعاي، اۋليەكول، قوستاناي، اقتوبە، بەستاماق، اتىراۋ، اقتاۋعا دەيىن بارادى. سول جەردەگى قۇرىق تەڭىز ايلاعى ارقىلى كاسپي تەڭىزىنەن كەمەمەن ءوتىپ، باكۋدە ۆەلوسيپەدكە قايتا وتىرادى. ءارى قاراي ساپار گانجا، تبيليسي، كۋتايسي، باتۋمي، ريزە، ترابزون، وردۋ، سامسۋننانعا دەيىن بارادى. سول جەردەن انكاراعا جەتىپ، اتاتۇرىككە ءتاۋ ەتىپ، ۆەلوشەرۋدى ىستانبۇلداعى مۇستافا وزتۇرىكتىڭ زيراتىندا اياقتاماق.
ەرنات مەلس ۇلى، جۋرناليست، ۆەلوساياحاتشى:
- جىل سايىن وسىنداي مەرەيتويلارعا ارناپ ۆەلوشەرۋلەر ۇيىمداستىرىپ جاتىرمىن عوي. وسىنىڭ بارىنە ورتاق ءبىر يدەيا بار. ەسكىرمەيتىن يدەيا. بۇل ابايدىڭ تولىق ادام يدەياسى. وسى ۆەلوشەرۋىمنىڭ باعىتىندا اباي قۇنانباي ۇلىنىڭ اتىندا كوشە بار، ەسكەرتكىشتەر بار، مادەني ورتالىقتار بار. سول جەرگە بارىپ، اعىلشىن تىلىندە تولىق ادام يدەياسىن جەتكىزگىم كەلەدى. بۇكىل جاعدايعا دايىندالىپ شىعام. جاڭبىر كيىمىن الىپ شىعامىن. دالادا دا تۇنەۋگە دايىنمىن.
ساپار شامامەن 55 كۇنگە جالعاسىپ، شاباندوز 5555 شاقىرىم جول جۇرەدى. شەرۋدىڭ تاعى ءبىر ماقساتى ازەربايجان، گرۋزيا، تۇركيا ەلدەرى مەن قازاقستان اراسىنداعى ديپلوماتيالىق قارىم- قاتىناستىڭ 30 جىلدىعىن ناسيحاتتاپ، ۇلتتاردى دوستىققا ۇندەۋ.
www.24.kz