ۇلتتىق ۇلان جاۋىنگەرلەرى ەسىلگە باتىپ بارا جاتقان ادامدى قۇتقاردى
9 تامىز 22:41

ۇلتتىق ۇلان جاۋىنگەرلەرى ەسىلگە باتىپ بارا جاتقان ادامدى قۇتقاردى

نۇر-سۇلتان. قازاقپارات - ۇلتتىق ۇلان جاۋىنگەرلەرى قوعامدىق ءتارتىپ پەن قاۋىپسىزدىكتى قامتاماسىز ەتۋ كەزىندە ەسىل وزەنىنە باتىپ بارا جاتقان استانا تۇرعىنىن قۇتقارىپ قالدى.

ۇلتتىق ۇلان 5573 اسكەري ءبولىمىنىڭ جاۋىنگەرلەرى ورالبەك جيەنباي، نۇربول تىلەۋبەك جانە ەربولات قاناتبەك ەلورداداعى اتاتۇرىك ساياباعىنداعى ەسىل جاعالاۋىندا قىزمەت اتقارىپ جۇرگەن.

سول كەزدە وزەندە قولىن سەرمەپ، تۇنشىعىپ جاتقان ادامدى كورىپ، جەدەل كومەككە اسىقتى.

الدىمەن قاتارداعى ورالبەك جيەنباي سۋعا سەكىرەدى. ونىڭ ارتىنشا پاترۋلدىك توپ باستىعى كىشى سەرجانت ايبات ەسىركەپ تە وزەنگە سۇڭگىدى.

ەكەۋى سۋعا باتىپ بارا جاتقان 1978-جىلعى ن. ەسىمدى ازاماتتى سۋدان شىعارىپ الادى.

- جاعالاۋ بويى كەلە جاتقانبىز. كەنەت «كومەكتەسىڭدەر!» دەگەن داۋىستى ەستىدىك. قاراساق ءبىر ادام وزەننىڭ ورتاسىندا سۋعا باتىپ بارا جاتىر ەكەن. ارعى جاعاعا جەتە الماي، شارشاعاننان كۇشى تاۋسىلعان سياقتى. ءبىز ونى سۋدان شىعارىپ الدىق، - دەيدى قاتارداعى ورالبەك جيەنباي.

وقيعا ورنىنا ءتارتىپ ساقشىلارى دا كەلدى. تۇرعىننىڭ نە سەبەپتى وسى جەردە سۋعا تۇسكەنىن قۇزىرلى ورگان قىزمەتكەرلەرى انىقتاپ جاتىر.

جاڭالىقتار