شاحمات وليمپياداسىندا قازاقستان قۇراماسى قاي ورىنعا تۇراقتادى
9 تامىز 20:30

شاحمات وليمپياداسىندا قازاقستان قۇراماسى قاي ورىنعا تۇراقتادى

چەنناي. قازاقپارات - قازاقستان دۇنيەجۇزىلىك شاحمات وليمپياداسىنا قاتىسۋىن اياقتادى، دەپ حابارلايدى قازاقپارات.

ەلىمىزدىڭ شاحماتتان ايەلدەر قۇراماسى 162 كوماندانىڭ ىشىنەن 8-ورىنعا يە بولدى.

جالپى كوماندالىق ەسەپتە ءۇندىستان شاحماتشىلارى جەڭىمپاز اتانعان.

ەرلەر قۇراماسى تۋرنيردى 188 كوماندانىڭ ىشىندە 20-ورىنمەن اياقتادى. بۇل باسەكەدە وزبەكستان ەرلەر قۇراماسى ءبىرىنشى ورىنعا يە بولدى، دەپ حابارلايدى sports.kz.

بۇگىن دۇنيەجۇزىلىك شاحمات وليمپياداسىنىڭ سوڭعى تۋرىندا قازاقستاننىڭ ايەلدەر جانە ەرلەر قۇراماسى ءۇندىستاننىڭ ءۇشىنشى قۇراما كومانداسىمەن وينادى.

سپورت شرەدينگەرا Telegram ارناسىنىڭ حابارلاۋىنشا، قازاقستان ايەلدەر قۇراماسى ءۇندىستاندى 2,5-1,5 ەسەبىمەن ۇتقان.

جەڭىسكە جانسايا ابدىمالىك پەن ءبيبىسارا اساۋبايەۆا قول جەتكىزدى. كسەنيا بالابايەۆا تەڭ ويىنعا تۇسسە، گۇلىسحان ناحبايەۆا جەڭىلىپ قالعان.

قازاقستاندىق شاحماتشىلار ءۇندىستاندا وتكەن وليمپيادانى سەگىز جەڭىس، ءبىر تەڭ ويىن جانە ەكى جەڭىلىسپەن اياقتادى.

جاڭالىقتار