سۋعا باتىپ بارا جاتقان ءبۇلدىرشىننىڭ قۇتقارۋشىسىنا توسبەلگى تابىستالدى
«ءوز ءومىرىن قاتەرگە تىگىپ، شۇعىل جاعدايدا بالاعا كومەككە كەلۋ - ناعىز ەرلىك. تىلەك ءوز ءومىرىن قاتەرگە تىككەنىن بىلەدى. ۇلتتىق ۇلاننىڭ جاۋىنگەرلەرى ءارقاشان باتىلدىق تانىتۋمەن ەرەكشەلەنەدى»، - دەدى ش ق و ت ج د باستىعىنىڭ ورىنباسارى ارمان توقانوۆ.
سونداي-اق، ول ق ر توتەنشە جاعدايلار ءمينيسترىنىڭ بۇيرىعىمەن ەرجۇرەك ەفرەيتورعا «سۋعا باتقانداردى قۇتقارعانى ءۇشىن» مەدالىن سالتاناتتى تۇردە تابىس ەتتى.
وقيعا 19- شىلدەدە بولعان. ءۇلبى وزەنىنە باتىپ بارا جاتقان بالانى قۇتقارۋعا ۇمتىلعان تىلەك قۇماربەكوۆ سۋدىڭ قاتتى اعىسىنا قارسى تۇرىپ، ءوزى مەرت بولا جازدايدى. ول سۋعا تۇنشىعىپ بارىپ امان قالعان.
وسى ەرلىگى ءۇشىن ول ىشكى ىستەر ءمينيسترىنىڭ ورىنباسارى – ۇ ۇ باس قولباسشىسى اتىنان «ۇلتتىق ۇلان قىزمەتىنىڭ ۇزدىگى» جانە ۇ ۇ «شىعىس» وڭىرلىك قولباسشىلىعىنىڭ «قوعامدىق ءتارتىپتى ساقتاعانى ءۇشىن» توسبەلگىلەرىمەن ماراپاتتالعان بولاتىن.