پرەزيدەنت ۇكىمەت باسشىسى ءاليحان سمايىلوۆتى قابىلدادى
9 تامىز 18:10

پرەزيدەنت ۇكىمەت باسشىسى ءاليحان سمايىلوۆتى قابىلدادى

نۇر-سۇلتان. قازاقپارات - پرەزيدەنت قاسىم-جومارت توقايەۆقا 2022-جىلدىڭ قاڭتار-شىلدە ايلارىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى تۋرالى باياندالدى، دەپ حابارلايدى قازاقپارات.

ءاليحان سمايىلوۆتىڭ ايتۋىنشا، وسى ارالىقتا ج ءى ءو ءوسىمى 3,2 پايىزدى قۇرادى. تاۋارلار ءوندىرىسى 3,3 پايىزعا، كورسەتىلگەن قىزمەتتەر 2,4 پايىزعا ارتتى.

قۇرىلىس، ساۋدا، وڭدەۋ ونەركاسىبى، سونداي-اق كولىك جانە بايلانىس سالالارىندا ايتارلىقتاي ءوسىم بار.

پرەمەر-مينيستر پرەزيدەنتكە ۇكىمەتتىڭ الەۋمەتتىك ماڭىزى بار ازىق-تۇلىك تاۋارلارىنا باعانى تەجەۋ شارالارىنا قاتىستى مالىمەت بەردى.

ۇكىمەت 2022-2024-جىلدارعا ارنالعان ازىق-تۇلىك قاۋىپسىزدىگى جوسپارىن ورىنداپ كەلەدى.

پرەمەر-مينيستر ينفلياتسيا دەڭگەيىن تومەندەتۋ، ەكونوميكانى دەمونوپوليزاتسيالاۋ، ەلدىڭ ترانزيتتىك-كولىكتىك الەۋەتىن دامىتۋ جونىندەگى شارالار تۋرالى باياندادى.

ءاليحان سمايىلوۆ قۇنى 22,2 تريلليون تەڭگە بولاتىن ينۆەستيتسيالىق جوبالاردىڭ جۇزەگە اسىرىلىپ جاتقانىن جەتكىزدى.

ۇكىمەت باسشىسى پرەزيدەنتكە قازاقستاننىڭ 2023-2025-جىلدارعا ارنالعان الەۋمەتتىك-ەكونوميكالىق دامۋ بولجامىن ۇسىندى.

پرەزيدەنت قۇرىلىمدىق رەفورمالار مەن ەكونوميكانى دەمونوپوليزاتسيالاۋدى جالعاستىرىپ، كاسىپكەرلىككە قولداۋ كورسەتۋ قاجەت ەكەنىن ايتتى.

سونداي-اق حالىقتىڭ كىرىسىن ارتتىرۋدى قامتاماسىز ەتۋدىڭ ماڭىزىن اتاپ ءوتتى.

جاڭالىقتار