قازاقستاندا تۇرمىس تاۋقىمەتىن تارتىپ جۇرگەن انالار قايدا جۇگىنە الادى؟
بيىل 7-تامىزدا الماتىدا ايەل مەن ەكى بالاسى ءولى تابىلدى. قوعامدا ەڭ تۇيتكىلدى ماسەلەنىڭ ءبىرى انا مەن بالا ماسەلەسى بولىپ تۇرعانى جاسىرىن ەمەس.
Massaget.kz ءتىلشىسى قازاقستاندا انالارعا ارنالعان قانداي ورتالىقتار بارىن جينادى.
«انا ءۇيى» ورتالىعى
«انا ءۇيى» قوعامدىق قورى داعدارىس ورتالىعىندا قيىن جاعدايعا تاپ بولعان ايەلدەر كومەك الا الادى. «ك ت ك» تەلەارناسىنىڭ مالىمەتىنشە، ادەتتە مۇندا جاس انالار جۇگىنەدى ەكەن. ال ولاردىڭ نەگىزگى پروبلەمالارى - كۇيەۋى نەمەسە جىگىت تاستاپ كەتۋى، تۋىستارى، دوستارى تەرىس اينالۋى، جالعىز قالۋى، باسپانا مەن اقشا بولماۋى. مۇنداي «انالار ءۇيى» قازاقستاننىڭ ءار تۇكپىرىندە بار.
«قازاقستانداعى داعدارىس ورتالىقتارى وداعى»
«قازاقستاننىڭ داعدارىس ورتالىقتارى وداعى» - زاڭدى تۇلعالاردىڭ ەرىكتى بىرلەستىگى. ورتالىق ءوز قىزمەتىن 2000 -جىلعى 15-قاراشادان باستاپ جۇزەگە اسىرىپ كەلە جاتىر.
ورتالىقتىڭ باستى ماقساتى - ايەلدەر مەن بالالاردى زورلىق- زومبىلىقتان قورعاۋ جانە قوعامدا زورلىق- زومبىلىقسىز قاتىناسقا نەگىزدەلگەن مادەنيەت قالىپتاستىرۋ.
وداقتىڭ رەسمي سايتىنداعى مالىمەت بويىنشا، ول الماتى قالالىق ادىلەت باسقارماسىندا 2001 -جىلدىڭ 26-ناۋرىزىندا تىركەلگەن. قۇرامىنا الماتى، اقتاۋ، ريددەر، پەتروپاۆل، تالدىقورعان، اقتوبە سەكىلدى قالالاردا ورنالاسقان 18 ۇكىمەتتىك ەمەس ۇيىم كىرەدى.
«قازاقستانداعى SOS بالالار اۋىلى»
قازاقستانداعى العاشقى SOS بالالار اۋىلى 1997 -جىلى الماتىدا اشىلعان. SOS الماتى بالالار اۋىلى جانىنان «اسار» ورتالىعى جۇمىس ىستەيدى. ول - قيىن جاعدايدا قالعان بالالارى بار جالعىزباستى انالارعا ارنالعان الەۋمەتتىك جوبا.
جوبا شەڭبەرىندە ايەلدەردىڭ ءوز ءومىرىن قولعا الۋىنا جانە داۋىس بەرۋ قۇقىعىنا يە بولۋعا كومەكتەسەتىن انالار كلۋبى قۇرىلعان، ال بۇل وتباسىنداعى، جۇمىستاعى جانە قوعامداعى تەڭسىزدىكتى جەڭۋگە مۇمكىندىك بەرەدى.
سونىمەن قاتار، الماتىدا سۆەتلانا پارساليديدىڭ ايەلدەرگە ارنالعان باسپاناسى بار، ونىڭ مەكەنجايى - قارقارالى 6/2.
Nemolchi.kz قورى
الەۋمەتتىك جەلىدە دە ايەلدەر مەن قىزدارعا قاتىستى ماسەلەنى ءجيى كوتەرەتىن Nemolchi.kz قورى بار. قور قۇرىلعانىنا 6 جىل بولعان.
قور 77051510000+ WhatsApp ءنومىرى ارقىلى وتىنىشتەر قابىلدايدى.
دەرەككوز: massaget.kz