قونايەۆتا جۇمىستان قۋىلعان اسكەري قىزمەتشىگە قاتىستى تەكسەرىس ءجۇرىپ جاتىر

None
نۇر-سۇلتان. قازاقپارات - قازىر اتالعان جايتقا قاتىستى تەكسەرۋ باستالدى. فاكتى انىقتالعان جاعدايدا كىنالىلەر جاۋاپقا تارتىلىپ، قىلمىستىق ءىس قوزعالۋى مۇمكىن، دەپ حابارلايدى قازاقپارات ءتىلشىسى قورعانىس مينيسترلىگىنە سىلتەمە جاساپ.

«الەۋمەتتىك جەلىدە كەلىسىمشارتپەن قىزمەت اتقاراتىن اسكەري ا. ب. ەلشىبايەۆانى قارۋلى كۇش قاتارىنان زاڭسىز شىعارعانى جايلى پوست جاريالاندى. وندا قىزمەتكەرگە باتالون كومانديرىنىڭ وعاش قىلىق كورسەتۋ فاكتىسى ايتىلعان. وسىعان بايلانىستى ايتا كەتەيىك، قازىر وقيعانىڭ ءمان-جايىن انىقتاۋ ماقساتىندا جەدەل كوميسسيا قۇرىلىپ، اسكەري ءبولىم تەكسەرىسكە كىرىسىپ كەتتى. قاتارداعى جاۋىنگەر ا. ب. ەلشىبايەۆانىڭ الەۋمەتتىك جەلىلەرگە جاريالاعان فاكتىلەرى انىقتالعان جاعدايدا كىنالىلەر قاتاڭ تۇردە تارتىپتىك جاۋاپكەرشىلىككە تارتىلادى. ءتىپتى قىزمەتتەن شىعارۋدان باستاپ قىلمىستىق ءىس قوزعاۋعا دەيىن جاۋاپ بەرەتىن بولادى»، - دەلىنگەن حابارلامادا.

سونداي-اق، رەسمي اقپاراتتا اتالعان جايتتىڭ قورعانىس ءمينيسترىنىڭ جەكە باقىلاۋىندا بولاتىنى ايتىلعان.

«وسى ماسەلە توڭىرەگىندە تۋىنداعان بارلىق سۇراقتار بويىنشا تىكەلەي قورعانىس مينيسترلىگىنىڭ باسپا ءسوز قىزمەتىنە تومەندەگى نومىرلەرگە حابارلاسۋعا بولادى: 77172721559+، 77172721869+»، - دەيدى ۆەدومستۆودان.

ايتا كەتسەك، ا. ەلشىبايەۆا ءوز ماسەلەسى جايىندا «نەمولچيkz» قوعامدىق قورىنا جۇگىنگەن بولاتىن.

سوڭعى جاڭالىقتار