ايماعامبەتوۆ جەلىدە تاراعان اۋىل مەكتەبىنىڭ مۇشكىل جاعدايىن سىنعا الدى
«ءبىر ماسەلەگە نازار اۋدارعىم كەلىپ وتىر. الەۋمەتتىك جەلىدەن كوردىم. ۆيدەودا ب ق و بايتەرەك اۋدانى دوستىق اۋىلىنداعى مەكتەپتىڭ جاڭا وقۋ جىلىنا دايىندىق ماسەلەسى كورىنىس تاپقان. مەكتەپتىڭ وقۋ جىلىنا دايىندىعىنىڭ جەتكىلىكتى دەڭگەيدە ەمەس ەكەندىگىن كورسەتىپ وتىر. مەكتەپكە كۇردەلى ەمەس اعىمدىق جوندەۋدىڭ ءوزى دەر كەزىندە جۇرگىزىلمەگەنى كورىنىپ تۇر. سوندا جاز بويى نەمەن اينالىستىڭىزدار؟ بۇل قازىرگى ۋاقىتتا جاريالانعان ۆيدەو ما الدە ەسكى مە؟» - دەگەن ساۋال جولدادى اسحات ايماعامبەتوۆ مينيسترلىكتە وتكەن اپپاراتتىق جينالىس بارىسىندا. سونداي-اق، ۆەدومستۆو باسشىسى جەلىدە تاراعان ۆيدەونى جيىنعا قاتىسۋشىلارعا كورسەتتى. اتالعان جايتقا بايلانىستى ب ق و بويىنشا ءبىلىم باسقارماسى باسشىسىنىڭ ورىنباسارى سۆەتلانا يبراگيم قىزى تۇسىنىك بەردى.
«بۇل ۆيدەونى وسى جازدا اتالعان مەكتەپكە وبلىستىق ءبىلىم باسقارماسىنىڭ وكىلدەرى بارعاندا اتا- انالار تۇسىرگەن. قازىرگى ۋاقىتتا جوندەۋ جۇمىستارى جۇرگىزىلىپ، 25 كابينەت اقتالدى. مەكتەپ 1982 -جىلى سالىنعان، 610 ورىنعا شاق. 2017 -جىلى دوستىق اۋىلى مەكتەبىنە قاتىستى اپات الدىنداعى جاعدايدا دەگەن شەشىم شىعارىلدى. وسى ورايدا ونىڭ ورنىنا 900 ورىندىق جاڭا مەكتەپ سالۋ جوباسى جاساقتالدى. 2023 -جىلى جاڭا مەكتەپ سالىنادى. بۇل جەردە شەشىلمەي تۇرعان ماسەلە مەكتەپتىڭ سپورتزالى سەبەبى توبەدەن سۋ اعىپ تۇر. بۇل جەردە اعىمدىق جوندەۋ كومەكتەسپەيدى»، - دەيدى ول.
سونداي-اق، باسقارما باسشىسىنىڭ ورىنباسارى ءمينيستردى اتالعان مەكتەپ جاڭا وقۋ جىلىنا دەيىن دايىن بولاتىنىن ايتىپ سەندىردى.