نۇر-سۇلتاندا پوليتسيانىڭ تويوتا كامري اۆتوكولىگىن قۋعان ءساتى ۆيدەوعا ءتۇسىپ قالدى
ۆيدەو الەۋمەتتىك جەلىدە پايدا بولدى. ءتارتىپ ساقشىلارىنان قاشپاق بولعان Toyota جۇرگىزۋشىسى جول ەرەجەسىن ورەسكەل بۇزعان. جەلى قولدانۋشىلارىنىڭ پىكىرلەرىنە قاراعاندا، ۆيدەو تانىمال GTA ويىنىنا ۇقسايدى.
بۇل تۋرالى Tengrinews.kz حابارلايدى.
نۇر-سۇلتان پوليتسياسى مالىمەتىنشە، ساعات 12.35-تە دۇكەن يەسىنەن ەكى ەر ادام تاۋار اقىسىن تولەمەگەنى تۋرالى حابارلاما تۇسكەن. بىرنەشە مينۋتتان كەيىن تاعى ءبىر دۇكەننەن وسىنداي حابارلاما تۇسەدى. ەر ادامدار سىرا ساتىپ الىپ، اقشاسىن تولەمەي كولىككە وتىرىپ كەتىپ قالعان.
«جەدەل باسقارۋ ورتالىعىنىڭ بەينەباقىلاۋ كامەراسىنا كولىك قورعالجىن تاسجولى بويىندا كەتىپ بارا جاتقاندا ءتۇسىپ قالعان. Toyota Camry جۇرگىزۋشىسى جول ەرەجەسىن ورەسكەل بۇزىپ، پوليتسەيلەردىڭ زاڭدى تالاپتارىنا باعىنباعان. كولىك كوپ جۇرەتىن كوشەمەن كەلە جاتىپ، جۇرگىزۋشى بىرنەشە رەت قارسى جولاققا شىعىپ، باعدارشامنىڭ قىزىل تۇسىنەن ءوتىپ، اپاتتىق جاعداي تۋعىزىپ، باسقا جول قوزعالىسىنا قاتىسۋشىلاردىڭ ءومىرى مەن دەنساۋلىعىنا قاۋىپ ءتوندىردى»، - دەدى قالانىڭ پ د وكىلدەرى.
پاترۋلدىك پوليتسيانىڭ ارنايى باتالونى قىزمەتكەرلەرى «شۇبارى» شاعىناۋدانىندا Toyota Camry كولىگىنىڭ 30 جاستاعى جۇرگىزۋشىسىن ۇستادى. كولىكتە 33 جاستاعى جولاۋشى دا بولعان.
«ساراپتاماعا سايكەس، جۇرگىزۋشى جەڭىل دارەجەدە ماساڭ كۇيدە كولىك جۇرگىزگەن. كولىك كوممۋنالدىق تۇراققا قويىلدى»، - دەپ قورىتىندىلادى پ د وكىلدەرى.