مينيسترلەر وبلىس ورتالىقتارىنا عانا ەمەس، اۋىلدارعا دا بارۋى كەرەك - ۇكىمەت وتىرىسى
«بىرىنشىدەن، مەملەكەتتىك ورگاندار كەزدەسۋ وتكىزۋ كەزىندە جارلىقتىڭ بارلىق تالاپتارىن ساقتاپ، كەستەدە بەكىتىلگەن مەرزىمدەردى ۇستانىپ، ادىستەمەلىك ۇسىنىمداردى ورىنداۋى كەرەك. ەكىنشىدەن، وبلىس ورتالىقتارىنا شىعۋمەن شەكتەلمەي، اۋداندارعا، اۋىلدار مەن كەنتتەرگە، شالعايداعى ەلدى مەكەندەرگە بارۋدى دا ۇمىتپاۋ كەرەك. مينيسترلىكتەر وبلىستىق، اۋداندىق جانە اۋىلدىق دەڭگەيدەگى ماسەلەلەردى تىركەپ، شەشۋگە مۇددەلى ەكەنىن حالىققا ءتۇسىندىرۋ ماڭىزدى»، - دەدى ا. وماروۆ.
بۇدان بۇرىن حابارلانعانداي، پرەزيدەنتتىڭ «ورتالىق اتقارۋشى ورگاندار باسشىلارىنىڭ حالىقپەن كەزدەسۋلەر وتكىزۋ تۋرالى» جارلىعى قابىلداندى.
بۇدان بۇرىن حابارلانعانداي، ۇكىمەت باسشىسى كەيبىر وڭىرلەردە باسشىلار حالىقپەن كەزدەسۋدىڭ جاڭا فورماتىنا بەيىمدەلمەي، ەسكى سۇرلەۋدەن شىعا الماي وتىرعانىن سىنادى.
ۇكىمەت وتىرىسىندا بيىلدان باستاپ ورتالىق جانە جەرگىلىكتى اتقارۋشى ورگان باسشىلارىنىڭ وڭىرلەرگە بارىپ، حالىقپەن جۇزبە- ءجۇز كەزدەسۋ وتكىزۋدىڭ جاڭا ءتارتىبى جۇزەگە اسىرىلىپ جاتقانى ايتىلدى.