قازاقستان حالقىن قاي ماسەلەلەر كوپ تولعاندىرادى

None
None
نۇر-سۇلتان. قازاقپارات - بۇگىن ۇكىمەت وتىرىسىندا ق ر اقپارات جانە قوعامدىق دامۋ ءمينيسترى اسقار وماروۆ مەملەكەتتىك ورگان باسشىلارىمەن كەزدەسۋ كەزىندە تۇرعىندار ءجيى كوتەرەتىن ماسەلەلەردى اتادى، دەپ حابارلايدى قازاقپارات ءتىلشىسى.

«مينيسترلەر وڭىرلەردەگى كەزدەسۋلەر كەزىندە ازاماتتاردىڭ ءبىرقاتار وزەكتى ماسەلەسىن انىقتادى. حالىقتى نەعۇرلىم كوپ تولعاندىراتىن ماسەلەلەرگە توقتالساق، ولاردىڭ اراسىندا قالالار مەن اۋىلدى ەلدى مەكەندەردەگى ۇيالى بايلانىس پەن ينتەرنەت ساپاسى، وڭىرلەرگە ەلەكتر جانە گاز جەلىسىن تارتۋ، ساپالى اۋىز سۋمەن قامتاماسىز ەتۋ پروبلەماسى بار. سونىمەن قاتار مىندەتتى الەۋمەتتىك مەديتسينالىق ساقتاندىرۋ، ونەركاسىپ كاسىپورىندارى قىزمەتكەرلەرىنىڭ جالاقىسىن كوتەرۋ، مۇمكىندىگى شەكتەۋلى جانداردىڭ ماسەلەلەرى كوتەرىلدى»، - دەدى ا. وماروۆ.

سونىمەن قاتار ءوڭىر تۇرعىندارى ءبىلىم بەرۋ ۇيىمدارىنىڭ باسشىلارىن روتاتسيالاۋ، بالا اسىراپ الۋ، قاشىقتان وقىتۋ فورماتى، وقۋ باعدارلامالارىن جاڭارتۋ، سپورت سەكتسيالارى مەن شىعارماشىلىق ۇيىرمەلەرىن جان باسىنا قارجىلاندىرۋعا قاتىستى تاقىرىپتارىن قوزعاعان.

«مينيسترلەردىڭ جانە اكىمدەردىڭ كەزدەسۋلەرىندە حالىق كوتەرگەن پروبلەمالاردى سالىستىرمالى تالداۋ ۆەدومستۆوارالىق دەڭگەيدە شەشۋدى تالاپ ەتەتىن 2 ماسەلەنىڭ شىعۋ توركىنى ۇقساس ەكەنىن كورسەتتى. بۇل مىندەتتى الەۋمەتتىك مەديتسينالىق ساقتاندىرۋ، سپورت سەكسيالارى مەن شىعارماشىلىق ۇيىرمەلەردى جان باسىنا قارجىلاندىرۋ ماسەلەلەرىنە قاتىستى»، - دەدى ۆەدومستۆو باسشىسى.

بۇدان بۇرىن حابارلانعانداي، ۇكىمەت باسشىسى كەيبىر وڭىرلەردە باسشىلار حالىقپەن كەزدەسۋدىڭ جاڭا فورماتىنا بەيىمدەلمەي، ەسكى سۇرلەۋدەن شىعا الماي وتىرعانىن سىنادى. ۇكىمەت وتىرىسىندا بيىلدان باستاپ ورتالىق جانە جەرگىلىكتى اتقارۋشى ورگان باسشىلارىنىڭ وڭىرلەرگە بارىپ، حالىقپەن جۇزبە-ءجۇز كەزدەسۋ وتكىزۋدىڭ جاڭا ءتارتىبى جۇزەگە اسىرىلىپ جاتقانى ايتىلدى.

اۆتور رۋسلان عابباسوۆ

سوڭعى جاڭالىقتار