ءبىلىم گرانتى يەگەرلەرىنىڭ ءتىزىمى قاشان جاريالانادى
«مەملەكەتتىك ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيا ءوز جۇمىسىن اياقتادى. گرانتقا ۇمىتكەرلەردىڭ وتىنىمدەرىن كوميسسيا مۇشەلەرى قارايدى. ونىڭ قۇرامىنا مينيسترلىكتىڭ، مەملەكەتتىك ورگانداردىڭ، بىلىم سالاسى كاسىپوداقتارىنىڭ، قر ۇلتتىق كاسىپكەرلەر پالاتاسى، بۇقارالىق اقپارات قۇرالدارى، قازاقستاننىڭ ازاماتتىق اليانسى جانە قوعامدىق ۇيىم وكىلدەرى كىرەدى. تالاپكەرلەردىڭ ۇ ب ت- دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە گرانتتار تاعايىندالادى»، - دەلىنگەن حابارلامادا.
بيىل حالىقتىڭ الەۋمەتتىك وسال توپتارىنا بولىنەتىن گرانتتار سانى كوبەيتىلدى. ياعني، كوپبالالى نەمەسە تولىق ەمەس وتباسىلاردان شىققان بالالار، سونداي-اق ەرەكشە ءبىلىم بەرۋ قاجەتتىلىكتەرى بار بالالاردى تاربيەلەپ وتىرعان وتباسىلاردان شىققان بالالار گرانت الۋدا باسىم مۇمكىندىككە يە بولدى. سونداي-اق، اۋىل بالالارى جانە ق ر ازاماتتىعى جوق ۇلتى قازاق ازاماتتار ءۇشىن دە كۆوتالار كوزدەلگەن. ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن بارلىعى 80 مىڭعا جۋىق ءوتىنىم بەرىلدى. قۇجاتتاردى قابىلداۋ 13-22 شىلدە ارالىعىندا جۇزەگە اسىرىلدى. كونكۋرستىق ىرىكتەۋدىڭ قورىتىندىسى ق ر عىلىم جانە جوعارى بىلىم مينيسترلىگىنىڭ رەسمي Telegram كانالىندا جانە رەسپۋبليكالىق ب ا ق بەتتەرىندە جاريالانادى.