بالاباقشالاردىڭ باعدارلامالارى جاڭارتىلىپ جاتىر
بۇل تۋرالى بۇگىن ۇكىمەت وتىرىسىندا وقۋ- اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«ءبىز قامتۋمەن قاتار بالاباقشالاردىڭ باعدارلامالارىن جاڭارتۋ بويىنشا جۇمىس جۇرگىزۋدەمىز. بۇل - ەرەكشە ماڭىزدى باعىت. مەكتەپكە دەيىنگى تاربيە مەن وقىتۋدىڭ جاڭا مودەلىن جانە جاڭا مەملەكەتتىك ستاندارتتى بەكىتتىك»، - دەدى مينيستر.
ونىڭ اتاپ وتۋىنشە، بالاباقشادا وزىنە سەنىمدى، قيىندىقتارعا ءتوزىمدى، دەندەرى ساۋ، اشىق جانە كرەاتيۆتى ويلايتىن بالالاردى تاربيەلەۋ جانە وتانسۇيگىشتىك، ەڭبەكقورلىق، بىلىمگە قۇشتارلىق سياقتى قۇندىلىقتاردى شىعارماشىلىق پەن قوزعالىس بەلسەندىلىگى جانە ويىن ارقىلى دامىتىلادى. «بالاباقشالاردىڭ تاربيەشىلەرىنىڭ بىلىكتىلىگىن ارتتىرۋ، بالاباقشالارعا دەگەن تالاپتاردى كۇشەيتۋ بويىنشا دا جۇمىس ۇيىمداستىرىلۋدا»، - دەدى اسحات ايماعامبەتوۆ.