پرەمەر- مينيستر: اۋىل بالالارىن قوسىمشا بىلىممەن قامتۋدى ۇلعايتۋ كەرەك

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ اۋىل بالالارىن قوسىمشا بىلىممەن قامتۋدى ۇلعايتۋدى تاپسىردى، دەپ حابارلايدى قازاقپارات ءتىلشىسى.

«وقۋ- اعارتۋ مينيسترلىگى مۇددەلى مەملەكەتتىك ورگاندارمەن بىرلەسىپ، «جايلى مەكتەپ» ۇلتتىق جوباسىن پىسىقتاۋ بويىنشا بارلىق شارالاردى قابىلداۋى ءتيىس. ونى «Bilimdi Ult» ۇلتتىق جوباسىمەن جەدەل ۇيلەستىرۋ قاجەت. جالپى، «Bilimdi Ult» ۇلتتىق جوباسىنىڭ جوسپارلانعان بارلىق كورسەتكىشتەرىنە قول جەتكىزۋى كەرەك»، - دەدى ءاليحان سمايىلوۆ ۇكىمەت وتىرىسىندا.

سونىمەن قاتار پرەمەر-مينيستر مەكتەپكە دەيىنگى ۇيىمدار قىزمەتىنىڭ ساپاسىن ارتتىرۋ ءۇشىن وقۋ- اعارتۋ مينيسترلىگىنە بيىلعى 1-قاراشاعا دەيىن مەكتەپكە دەيىنگى ۇيىمداردى ليتسەنزيالاۋ ماسەلەلەرىن پىسىقتاۋدى تاپسىردى.

«وقۋ- اعارتۋ مينيسترلىگى مادەنيەت جانە سپورت مينيسترلىگىمەن، ءوڭىر اكىمدىكتەرىمەن بىرلەسىپ، اۋىلدىق جەرلەردە بالالاردى قوسىمشا بىلىممەن قامتۋدى ۇلعايتسىن»، - دەدى ۇكىمەت باسشىسى.