كۇتپەگەن تانىمالدىلىق: ادامدار افريكاعا شاڭعىمەن سىرعاناۋ ءۇشىن بارادى

None
None
نۇر-سۇلتان. قازاقپارات - افريكانىڭ وڭتۇستىگىندەگى لەسوتوداعى تاۋ شاڭعى كۋرورتى كەنەتتەن تانىمال بولدى، - دەپ حابارلايدى Kaz.tengritravel.kz ءتىلشىسى Africanews باسىلىمىنا سىلتەمە جاساپ.

لەسوتو كورولدىگى - وڭتۇستىك افريكاداعى انكلاۆ مەملەكەتى، تولىعىمەن وڭتۇستىك افريكا رەسپۋبليكاسىنىڭ اۋماعىمەن قورشالعان. سونداي-اق، لەسوتو - بۇكىل اۋماعى تەڭىز دەڭگەيىنەن 1400 مەتر بيىكتىكتە ورنالاسقان الەمدەگى جالعىز ەل. سوندىقتان مۇندا قار بار. جالپى، افريكانىڭ وڭتۇستىگى ءۇشىن سۋىق قىس بولادى، ءبىراق قار بارلىق جەرگە جاۋمايدى.


تاۋ شاڭعىسى كۋرورتتارىن تابۋ سيرەك كەزدەسەدى، ال لەسوتوداعى مالۋتي تاۋلارىنداعى كۋرورت - افريكاداعى جالعىز بەلسەندى تاۋ شاڭعى كۋرورتى. وتكەن ايدا مۇندا جىل سايىنعى سنوۋبورد پەن شاڭعى جارىسى ءوتتى. كۋرورتتا التى جول بار جانە ماۋسىمنان تامىزعا دەيىن جۇمىس ىستەيدى. جاز ايلارىندا ول ەكسترەمالدى سپورت تۇرلەرىنىڭ كەڭ تاڭداۋىن ۇسىنادى، سونىڭ ىشىندە تاۋلى ۆەلوسيپەدپەن ءجۇرۋ جانە موتوتسيكلمەن ءجۇرۋ بار. ادام كوپ بولعان كۇنى كۋرورت 300-دەن استام كەلۋشىلەردى قابىلداي الادى.


ناتيجەسىندە تۋريستەر افريكاداعى قاردا تۇسكەن سۋرەتتەرىن بەلسەندى تۇردە بولىسە باستادى. الدىمەن كۋرورت كونتينەنت تۇرعىندارىن قىزىقتىردى، سودان كەيىن بۇلار تۋرالى ودان تىس جەرلەردە بىلە باستادى. مىسالى، لوندوندا تۋعان جانە سوڭعى 12 جىل ىشىندە اۆستريادا شاڭعى مەن سنوۋبوردتان ساباق بەرگەن جىگىت سنوۋبورد بويىنشا نۇسقاۋشى بولىپ جۇمىس ىستەيدى.

سوڭعى جاڭالىقتار