وسكەمەندە جاڭا شاعىن اۋدان سالىنادى
9 تامىز 11:02

وسكەمەندە جاڭا شاعىن اۋدان سالىنادى

وسكەمەن. قازاقپارات - وسكەمەن قالاسىندا جاڭا شاعىن اۋدان سالىنباق، دەپ حابارلايدى قازاقپارات ءتىلشىسى.

قالا اكىمدىگىنىڭ مالىمەتىنە سۇيەنسەك، جاڭا شاعىن اۋدان شەشەك اسۋىندا بوي كوتەرەدى. وندا تۇرعىن ۇيلەردەن بولەك، بالاباقشا، سپورت الاڭى مەن سكۆەر سالۋ جوسپارلانۋدا.

«جەر ءۇي سالعىسى كەلەتىندەر سانى كۇن ساناپ ارتىپ كەلەدى. سوندىقتان بىرنەشە اۋداندا ينجەنەرلىك ينفراقۇرىلىمدى سالۋ جۇمىستارىن جۇرگىزىپ جاتىرمىز. جاقىن ارادا كوممۋنيكاتسيالار تارتىلعان اۋماقتاردا جەر تەلىمدەرىن بەرۋ باستالادى. شەشەك اسۋىنداعى جاڭا ىقشام اۋدان 1099 تۇرعىن ۇيگە ەسەپتەلگەن. وندا سۋمەن جابدىقتاۋ جۇيەسى ءقازىردىڭ وزىندە دايىن. ال ەلەكتر جەلىلەرىنىڭ قۇرىلىسى سوڭعى ساتىدا»، - دەيدى وسكەمەن قالاسىنىڭ اكىمى جاقسىلىق ومار.

ونىڭ ايتۋىنشا، ەكولوگيالىق تازا ايماقتا ورنالاسقان اۋدان قۇرىلىس سالۋشىلار ءۇشىن دە، ءىرى ينۆەستورلار ءۇشىن دە تارتىمدى. بۇگىندە كومپانيالاردىڭ ءبىرى 80 ءۇي سالۋدى كوزدەپ وتىر.

جاڭالىقتار