گولوۆكين ءوزىن ايگىلى مۇحاممەد اليمەن تەڭەستىردى
8 تامىز 22:12

گولوۆكين ءوزىن ايگىلى مۇحاممەد اليمەن تەڭەستىردى

نۇر-سۇلتان. قازاقپارات - بوكسشى گەننادي گولوۆكين (42-1-1، 37 ك و) مەكسيكالىق ساۋل كانەلو الۆارەسپەن (57-2-2، 39 ك و) وتەتىن ءۇشىنشى كەزدەسۋى تۋرالى پىكىر ءبىلدىردى.

ول اڭگىمە بارىسىندا ءوزىن ايگىلى مۇحاممەد اليگە تەڭەستىردى، - دەپ حابارلايدى Vesti.kz.

«كانەلومەن ءۇشىنشى كەزدەسۋدىڭ وتەتىنىن بىلگەندە نە سەزىندىم؟ ارينە، جاقسى كوڭىل كۇيدە بولدىم. بۇل تاريحي كەزدەسۋ بولادى... ءبىز ءۇشىنشى مارتە كەزدەسەمىز.

ءوزىمدى سالىستىرىپ ايتاتىن بولسام، بۇرىن مۇحاممەد ءاليدىڭ (كەن نورتون جانە دجو فرەيزەرمەن) تريلوگيالارى بولدى. ايگىلى بوكسشىلار. وسىعان قاراپ ءوزىمنىڭ بوكس الەمىندە قانشالىقتى سۇرانىسقا يە ەكەنىمدى كورەمىن. وتكەن شاقتاعى ايگىلى بوكسشىلار سەكىلدى»، - دەدى گولوۆكين SerEbro EnlosDeportes YouTube-ارناسىنا بەرگەن سۇحباتىندا.

ايتا كەتەيىك، گولوۆكين مەن كانەلو اراسىنداعى ءۇشىنشى كەزدەسۋ 17- قىركۇيەكتە لاس- ۆەگاستاعى T- Mobile Arena سپورت كەشەنىندە وتەدى.

جاڭالىقتار