قوستاناي وبلىسىندا جوعالعان بەس جاسار قىزدى ىزدەۋگە تىكۇشاق جىبەرىلدى
«جامبىل اۋىلىنان بەس جاسار قىزدىڭ جوعالعانى تۋرالى حابارلاما تۇسكەن ساتتەن باستاپ جەدەل- ىزدەستىرۋ شارالارى ۇيىمداستىرىلدى. قازىرگى ۋاقىتتا ىزدەۋ جۇمىستارى تىكۇشاق ارقىلى جۇرگىزىلۋدە، - دەدى قوستاناي وبلىسى ءى ءى د پوليتسيا باسقارماسىنىڭ باستىعى ەرلان وماربەكوۆ Facebook جەلىسىندەگى پاراقشاسىندا.
«ءدال وسى ۋاقىتتا ءبىز قىزدىڭ اناسىمەن اۋماقتى اينالىپ ۇشىپ جاتىرمىز». ۆەدومستۆو باسشىسى قوعام وكىلدەرىنىڭ مۇنداي جاعدايلارعا بەي- جاي قارامايتىنىن اتاپ ءوتتى.
«ءبىرىنشى مينۋتتان- اق ەرىكتىلەر، اۋىل تۇرعىندارى، جاي عانا قامقور ادامدار پوليتسەيلەرگە كومەك كورسەتتى. بۇل ءۇشىن اكە رەتىندە بارلىعىنا العىس ايتامىن. جوعالعان ءسابي ءۇشىن ءبارىمىز الاڭداۋلىمىز. ونى تابۋ ءۇشىن بار كۇشىمىزدى سالامىز. ىزدەستىرۋ جۇمىستارىنىڭ بارىسى تۋرالى حابارلاپ تۇرامىن»، - دەپ قوستى ە. وماربەكوۆ.
بۇعان دەيىن جامبىل اۋىلىنان جوعالعان بەس جاسار قىزدى ىزدەۋگە 24 ساعات بويى 500-دەن استام پوليتسيا قىزمەتكەرى، ەرىكتىلەر مەن مۇددەلى ازاماتتاردىڭ قوسىلعانى بۇعان دەيىن حابارلانعان بولاتىن.
اۆتور سماعۇلوۆا ەركەجان