الماتى اكىمى اۆتوبۋستا ايەلدى قۇتقارعان رايىمبەك مەدەتبەكتى ماراپاتتادى

الماتى. قازاقپارات - قالا باسشىسى ەربولات دوسايەۆ ايەلدى اۆتوبۋستا كۇش كورسەتۋدەن قۇتقارىپ قالعان رايىمبەك مەدەتبەكپەن كەزدەستى، دەپ حابارلايدى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ.

الماتى اكىمى وعان ەرلىگى، باتىلدىعى مەن بەلسەندى ازاماتتىق ۇستانىمى ءۇشىن العىس ايتتى، سونىمەن قاتار العىس حات پەن باعالى سىيلىقتى تابىس ەتتى.

23 جاستاعى رايىمبەك مەدەتبەك ءال- فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى، الماتى قالاسى ەكولوگيا جانە قورشاعان ورتا باسقارماسىنىڭ «مەدەۋ» مەملەكەتتىك وڭىرلىك تابيعي پاركى» ك م م جۇمىس ىستەيدى. جۇمىس بارىسىندا ءوزىن تەوريالىق ءبىلىمى مەن پراكتيكالىق داعدىلارى بار جاۋاپتى جانە باستاماشىل مامان رەتىندە جاقسى جاعىنان كورسەتتى.

ەسكە سالساق، الماتىدا ەر ادام اۆتوبۋستا بۇرىنعى ايەلىنە پىشاق سالماق بولعان. ونىڭ ايەلمەن ءسوز تالاستىرىپ تۇرعانى، كەيىن پىشاق شىعارىپ، شابۋىل جاساعانى اۆتوبۋس ىشىندەگى كامەراعا ءتۇسىپ قالعان. «وقيعا 31- شىلدە كۇنى كەشكى ساعات 22:30-دا ساين جانە رىسقۇلوۆ كوشەلەرىنىڭ ماڭىندا № 38 اۆتوبۋستا بولعان. ەر ادام بۇرىنعى ايەلىنە پىشاق سالماق بولدى»، - دەپ جازدى جەلى قولدانۋشى.

رايىمبەك مەدەتبەك پەن كۋاگەرلەردىڭ جەدەل ارەكەتتەرىنىڭ ارقاسىندا كۇش كورسەتۋشى زالالسىزداندىرىلىپ، ايەلدىڭ ءومىرىن ساقتاپ قالدى.

اۆتور دۋمان ارعىنگەلدى