ورالدا كاسىپكەردى پىشاقتاۋ ءساتىنىڭ ۆيدەوسى جاريالاندى
كەيىن قوس تاراپتىڭ اراسىندا جانجال تۋىنداپ، ەكى جىگىتتىڭ ءبىرى كاسىپكەردى پىشاقتاپ تاستادى. وسىعان قاراماستان ول تەرەزەدەن شىعىپ ۇلگىرەدى. ءبىراق كۇدىكتىلەر كوشەدە تاعى بىرنەشە رەت پىشاقتايدى. كاسىپكەر جەدەل جاردەم كەلگەنشە كوز جۇمدى.
بەينەتاسپا Facebook قولدانۋشىسى ازامات سارسەنبايەۆتىڭ پاراقشاسىندا جاريالاندى. قازىرگى تاڭدا كۇدىكتىلەر انىقتالىپ، ولارعا ىزدەۋ جاريالانعان. ورالعا كىرىپ شىعاتىن جولداردى پوليتسەيلەر تەكسەرىپ جاتىر. قىلمىسكەرلەردى ۇستاۋعا ۇلتتىق ۇلان ساربازدارى دا جۇمىلدىرىلدى.
ب ق و پوليتسيا دەپارتامەنتىنىڭ باسپا ءسوز قىزمەتىنەن مالىمەت ەتكەنىندەي، كۋاگەرلەر سوزىنە قاراعاندا، كاسىپكەردى ولتىرۋگە تولەنبەگەن جالاقى نەگىزگى سەبەپ بولعان. دەپارتامەنت مالىمەتى بويىنشا كۇدىكتى ۋاھابشىلدىق نەمەسە باسقا دەسترۋكتيۆتى ءدىني اعىم باعىتىن ۇستانعان، سونداي- اق راديكالدىق يدەيانى تاراتقان دەگەن دەرەكتەر ىستە جوق.
«قازىرگى كەزدە كۇدىكتىلەردى ۇستاۋعا وبلىستىڭ بارلىق پوليتسەيلەرى جۇمىلدىرىلعان. وبلىستىڭ بارلىق اۋماعىندا ءتيىستى جۇمىستار جۇرگىزىلۋدە. سونىمەن قاتار كورشىلەس وبلىستار، سونىڭ ىشىندە رەسەي فەدەراتسياسىنىڭ قۇقىق قورعاۋ ورگاندارىنا دا دەرەكتەر جىبەرىلدى»، دەپ حابارلادى ۆەدومستۆودان.
