بيۋدجەت شىعىنى مەن مۇنايدان تىس كىرىس اراسىندا الشاقتىق بار – ۇ ب ەسەبى
ۇسىنىلعان ەسەپكە قاراعاندا، 2021 -جىلى كارانتيندىك شەكتەۋلەردى جەڭىلدەتۋ - ىسكەرلىك بەلسەندىلىكتىڭ وسۋىنە ىقپال ەتىپ، ونىڭ ەكونوميكالىق ءوسۋ پەرسپەكتيۆالارىنا دا وڭ اسەرى بولدى. دەگەنمەن، ءونىمدى جەتكىزۋ تىزبەگىنىڭ تولىق قالپىنا كەلمەۋى جانە ەنەرگيا جەتكىزۋشىلەر باعاسىنىڭ جوعارى بولۋى ينفلياتسيالىق قىسىمنىڭ كۇشەيۋىنە الىپ كەلدى.
سونىڭ اسەرىنەن ەكونوميكاسى دامىعان ەلدەردە اقشا- كرەديت ساياساتىنىڭ كۇشەيۋى، مەملەكەتتىك قارىز دەڭگەيىنىڭ ءوسۋى جانە بيۋدجەت تاپشىلىعى جاھاندىق سىن- قاتەرلەرگە اينالدى.
«فيسكالدىق ساياسات ءۇشىن نەگىزگى تاۋەكەل فاكتورى مەملەكەتتىك قارجىنىڭ تەڭگەرىمسىزدىگى بولىپ قالا بەرەدى. بۇل بيۋدجەت شىعىستارى مەن مۇنايدان تىس كىرىستەر اراسىندا ساقتالىپ وتىرعان تىم جوعارى الشاقتىقتان كورىنىپ وتىر. 2014 -جىلدىڭ اياعىندا مۇناي باعاسىنىڭ تومەندەۋى مۇناي سەكتورىنان تۇسەتىن قوسىمشا ۇستەمە تابىستىڭ جيناقتالۋىنا تۇساۋ سالدى. بۇل، ءوز كەزەگىندە، ۇزاق ۋاقىتتان بەرى ۇكىمەت قولىنداعى تازا اكتيۆتەردىڭ تومەندەۋىنە الىپ كەلدى. 2021 -جىلدىڭ سوڭىنا قاراي تازا اكتيۆتەر ج ءى و- گە قاتىستى ەڭ تومەنگى ماندەرىنە جەتتى»، - دەلىنگەن ۇلتتىق بانك مالىمەتىندە.
بۇل تۇرعىدا ەسەپتە مەملەكەتتىك قارجىنىڭ تەڭگەرىمدىلىگى مەن ورنىقتىلىعىن ارتتىرۋ ماقساتىندا بيۋدجەت كودەكسىنە ەنگىزىلگەن فيسكالدىق ەرەجەلەردى ساقتاۋ ماڭىزدى ەكەنى ايتىلعان. ولار ۇلتتىق قور اكتيۆتەرىنىڭ ساقتالۋىن قامتاماسىز ەتەدى جانە بيۋدجەت شىعىستارىنىڭ شامادان تىس ءوسۋىن تەجەيدى. سونىمەن بىرگە 2021 -جىلى قارجى ۇيىمدارىنىڭ نەسيەلىك قىزمەتى COVID-19-دان كەيىن ەكونوميكالىق ءوسۋدىڭ قالپىنا كەلۋى اياسىندا قارقىن الا ءتۇستى. بانكتەردەگى نەسيە پورتفەلىنىڭ ءوسىمى 27,9 پايىزعا، ياعني جەكە تۇلعالارعا (%40,9) جانە شوب سۋبەكتىلەرىنە (%29,2) جاڭا نەسيە بەرۋ ەسەبىنەن قامتاماسىز ەتىلدى. بانكتەردەگى نەسيە پورتفەلىنىڭ ساپاسى كورپوراتيۆتىك ءارى بولشەك پورتفەلدە ايتارلىقتاي جاقساردى.
«2021 -جىلى دەپوزيتتەردىڭ دوللارلانۋ دەڭگەيى 2020 -جىلعى دەڭگەيمەن سالىستىرعاندا 39-دان 37 پايىزعا تومەندەدى. بۇل پروتسەسس بيىل دا جالعاستى (مامىردا - % 33) « - دەپ اتالىپ وتكەن ۇ ب حابارلاماسىندا.
ۇلتتىق بانك سايتىندا اتالعان ەسەپ مالىمەتتەرىمەن تولىق تانىسۋعا بولادى.
اۆتور رۋسلان عابباسوۆ