ىشكى ىستەر ءمينيسترى قىتايدىڭ قازاقستانداعى توتەنشە جانە وكىلەتتى ەلشىسىمەن كەزدەستى
بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك ۆەدومستۆونىڭ ونلاين بريفينگىسىندە ايتتى، دەپ حابارلايدى قازاقپارات ءتىلشىسى.
«ولار قىلمىسقا قارسى كۇرەس، قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگى سالاسىنداعى ىنتىماقتاستىقتىڭ جاي- كۇيىن تالقىلادى. قازاقستاننىڭ ىشكى ىستەر مينيسترلىگى مەن ق ح ر قوعامدىق قاۋىپسىزدىك مينيسترلىگىنىڭ ءوزارا ءىس- قيمىلى ءتيىستى قۇقىقتىق بازا اياسىندا ىسكە اسىرىلىپ وتىر»، - دەدى ش. تۇرلىبەك.
وسى ورايدا ول شەكارا ماڭى ىنتىماقتاستىعىن كەڭەيتۋ بويىنشا ءوزارا ساپارلار مەن جۇمىس كەزدەسۋلەرى تۇراقتى تۇردە وتكىزىلىپ تۇراتىنىن، كادرلاردى دايارلاۋ جانە قايتا دايارلاۋ، جۇمىس تاجىريبەسىمەن الماسۋ جونىندەگى وقۋ كۋرستارى ۇيىمداستىرىلاتىنىن ايتتى.
ق ر ىشكى ىستەر ءمينيسترى مارات احمەتجانوۆتىڭ ايتۋىنشا، قازاقستان مەن قىتايدىڭ قۇقىقتىق ءتارتىپ ورگاندارىنىڭ ىنتىماقتاستىعى جوعارى دەڭگەيدە. سوڭعى بەس جىل ىشىندە ەكى مينيسترلىك دەلەگاتتارىنىڭ ءبىرقاتار ءوزارا ساپارلارى ۇيىمداستىرىلىپ، قىزمەت وكىلدەرى اراسىندا ونداعان كەزدەسۋلەر ءوتتى.
سونىمەن قاتار، ق ر ءى ءى م باسشىسى 108 قازاقستاندىق پوليتسەيدىڭ وتكەن وقۋ كۋرستارىن ۇيىمداستىرۋعا كومەكتەسكەنى ءۇشىن قىتايلىق قوناققا العىسىن ءبىلدىردى.
ءمينيستردىڭ پىكىرىنشە، باسىم مىندەتتەردىڭ قاتارىنا ەكسترەميزم مەن تەرروريزمگە قارسى كۇرەس، ينتەرنەت- الاياقتىققا قارسى ءىس- قيمىل جاتادى. الاياقتاردى جاۋاپقا تارتۋ ءۇشىن حالىقارالىق اقپارات الماسۋدى كۇشەيتۋ قاجەت، ويتكەنى بۇل ارەكەتتەر كوپ جاعدايدا ترانسۇلتتىق سيپاتقا يە.
ءوز كەزەگىندە جاڭ شياۋ قىتاي تاراپى ازاماتتاردىڭ قاۋىپسىزدىگى ءۇشىن تىعىز ءوزارا ءىس- قيمىل جاساۋعا مۇددەلى ەكەنىن اتاپ ءوتتى. تاراپتار جەمىستى ىنتىماقتاستىقتى نىعايتۋدى جالعاستىرۋعا دايىن ەكەنىن جەتكىزدى.
اۆتور رۋسلان عابباسوۆ